ചര്‍ച്ച പരാജയം. അ​തി​ർ​ത്തി​യിൽ അതീവ ജാഗ്രത. ബഹിഷ്കരണവുമായി ഇന്ത്യന്‍ ജനത.

Print Friendly, PDF & Email

ലഡാക്കിലെ ഗാ​ൽ​വ​ൻ താ​ഴ്‌വര​യി​ൽ ഇന്നല വൈ​കി​ട്ട് ന​ട​ന്ന മേ​ജ​ർ ത​ല​ച​ർ​ച്ച​ക​ളും ധാ​ര​ണ​യാ​കാ​തെ പി​രി​ഞ്ഞതായി വാ​ർ​ത്താ ഏ​ജ​ൻ​സി​യാ​യ എ​എ​ൻ​ഐ​ റി​പ്പോ​ർ​ട്ട്. മേ​ഖ​ല​യി​ൽ നി​ന്ന് സേ​നാ​പി​ൻ​മാ​റ്റം ന​ട​ക്കു​മെ​ന്ന് വ്യ​ക്ത​മാ​ക്കി​യി​രു​ന്നെ​ങ്കി​ലും നി​ല​വി​ലു​ള്ള ഇ​ട​ങ്ങ​ളി​ൽ നി​ന്ന് ഇ​ന്ത്യ​യു​ടെ​യും ചൈ​ന​യു​ടെ​യും സേ​നാം​ഗ​ങ്ങ​ൾ പി​ൻ​മാ​റി​യി​ട്ടി​ല്ല. ഇതോടെ നാവിക- വ്യോമ സേനകൾക്ക് ജാഗ്രത നിർദേശവും നൽകിയിരിക്കുകയാണ് ഇന്ത്യ. അ​തി​ർ​ത്തി ജി​ല്ല​ക​ളി​ലും അ​തീ​വ​ജാ​ഗ്ര​ത​ നിര്‍ദ്ദേശംപ്ര​ഖ്യാ​പി​ച്ചി​ട്ടുണ്ട്. 15,000 സൈനികരെയാണ് പുതുതായി അതിർത്തിയിൽ എത്തിച്ചിരിക്കുന്നത്. കൂടുതല്‍ ആ​യു​ധ​ങ്ങ​ളും എത്തിച്ച് ഏത് സാഹചര്യത്തിലും ചൈനയെ നേരിടുവാനുള്ള തയ്യാറെടുപ്പുകള്‍ ശക്തിപ്പെടുത്തിയിരിക്കുകയാണ്. എന്നിരുന്നാലും വ​രും ദി​വ​സ​ങ്ങ​ളി​ലും പ​ര​മാ​വ​ധി ച​ർ​ച്ച​ക​ൾ ന​ട​ക്കു​മെ​ന്നും എ​എ​ൻ​ഐ റി​പ്പോ​ർ​ട്ട് ചെ​യ്യു​ന്നു​ണ്ട്.

തി​ങ്ക​ളാ​ഴ്ച രാ​ത്രി ചൈ​നീ​സ് പീ​പ്പി​ൾ​സ് ലി​ബ​റേ​ഷ​ൻ ആ​ർ​മി​യു​മാ​യി ന​ട​ന്ന സം​ഘ​ർ​ഷ​ത്തി​ൽ 20 ഇ​ന്ത്യ​ൻ ജ​വാ·ാ​രാ​ണ് വീ​ര​മൃ​ത്യു വ​രി​ച്ച​ത്. വി​ദേ​ശ​കാ​ര്യ​മ​ന്ത്രി എ​സ്. ജ​യ്ശ​ങ്ക​ർ ബു​ധ​നാ​ഴ്ച ചൈ​നീ​സ് വി​ദേ​ശ​കാ​ര്യ​മ​ന്ത്രി വാം​ഗ് യി​യു​മാ​യി ച​ർ​ച്ച ന​ട​ത്തി​യി​രു​ന്നു. ചൈനുടെ അക്രമണം ആ​സൂ​ത്രി​ത​മാ​​യി​രു​ന്നെ​ന്നും, ഇ​തി​ന് ഉ​ത്ത​ര​വാ​ദി​ക​ൾ ചൈ​ന മാ​ത്ര​മാ​ണെ​ന്നും ജ​യ​ശ​ങ്ക​ർ ച​ർ​ച്ച​യി​ൽ ഉ​റ​ച്ച നി​ല​പാ​ടെ​ടു​ത്തെ​ന്നും വാ​ർ​ത്താ ഏ​ജ​ൻ​സി​ക​ൾ റി​പ്പോ​ർ​ട്ട് ചെ​യ്യു​ന്നു.

മേ​ഖ​ല​യി​ലു​ണ്ടാ​യ ഈ ​അ​പ്ര​തീ​ക്ഷി​ത​സം​ഭ​വം ര​ണ്ട് രാ​ജ്യ​ങ്ങ​ളും ത​മ്മി​ലു​ള്ള ന​യ​ത​ന്ത്ര​ബ​ന്ധ​ത്തെ ഗു​രു​ത​ര​മാ​യി ബാ​ധിച്ചിരിക്കുകയാ​ണ്. വിഷയം ചര്‍ച്ച ചെയ്യുവാന്‍ പ്ര​ധാ​ന​മ​ന്ത്രി ന​രേ​ന്ദ്ര മോ​ദി സ​ര്‍​വ​ക​ക്ഷി യോ​ഗം വി​ളി​ച്ചി​ട്ടു​ണ്ട്. വൈ​കു​ന്നേ​രം അ​ഞ്ചു​മ​ണി​ക്കാ​ണ് വി​വി​ധ രാ​ഷ്ട്രീ​യ പാ​ര്‍​ട്ടി​ക​ളു​ടെ അ​ധ്യ​ക്ഷ​ന്‍​മാ​ര്‍ പ​ങ്കെ​ടു​ക്കു​ന്ന വീ​ഡി​യോ കോ​ണ്‍​ഫ​റ​ന്‍​സ്.

ഇന്ത്യാ-ചൈന അതിര്‍ത്തിയില്‍ സംഘര്‍ഷം രൂക്ഷമായി കൊണ്ടിരിക്കുന്ന സാഹചര്യത്തില്‍ ചൈനീസ് ഉ​ത്പ​ന്ന​ങ്ങ​ൾ​ക്കു വി​ല​ക്ക് ഏര്‍പ്പെടുത്തുവാനുള്ള ആലോചനയിലാണ് ഇന്ത്യ. പരമാവധി സ്വദേശീയമായ ഉല്‍പ്പന്നങ്ങള്‍ ഉപയോഗിക്കുവാനുള്ല ആഹ്വാനം പ്രധാനമന്ത്രി നല്‍കികഴിഞ്ഞു. 4ജി ​എ​ക്യു​പ്മെ​ന്‍റ്സ് ന​വീ​ക​ര​ണ​ത്തി​ൽ ചൈ​നീ​സ് ഉ​പ​ക​ര​ണ​ങ്ങ​ൾ ഉ​പ​യോ​ഗി​ക്ക​രു​തെ​ന്ന് ബി​എ​സ്എ​ല്ലി​നോ​ട് ആ​വ​ശ്യ​പ്പെ​ടാ​നാ​ണ് ടെ​ലി​കോം വ​കു​പ്പി​ന്‍റെ നീ​ക്ക​മെ​ന്നു എ​ൻ​ഡി​ടി​വി റി​പ്പോ​ർ​ട്ട് ചെ​യ്യു​ന്നു. സു​ര​ക്ഷാ കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി ചൈ​നീ​സ് ഉ​പ​ക​ര​ണ​ങ്ങ​ൾ ഉ​പ​യോ​ഗി​ക്ക​രു​തെ​ന്നു ബി​എ​സ്എ​ല്ലി​നോ​ട് ക​ർ​ശ​ന​മാ​യി നി​ർ​ദേ​ശി​ക്കാ​ൻ മ​ന്ത്രാ​ല​യം തീ​രു​മാ​നി​ച്ച​താ​യി സ​ർ​ക്കാ​ർ വൃ​ത്ത​ങ്ങ​ൾ അ​റി​യി​ച്ചു.ഇ​തു​സം​ബ​ന്ധി​ച്ച് ടെ​ൻ​ഡ​ർ പു​ന​ർ​നി​ർ​മി​ക്കാ​നും വ​കു​പ്പ് തീ​രു​മാ​നി​ച്ച​താ​യി വൃ​ത്ത​ങ്ങ​ൾ അ​റി​യി​ച്ചു. ചൈ​നീ​സ് ബ​ന്ധ​മു​ള്ള 55 മൊ​ബൈ​ൽ ആ​പ്ലി​ക്കേ​ഷ​നു​ക​ൾ നി​രോ​ധി​ക്കാ​ൻ ര​ഹ​സ്യാ​ന്വേ​ഷ​ണ വി​ഭാ​ഗ​ങ്ങ​ൾ ശി​പാ​ർ​ശ ചെ​യ്ത​തി​നു പി​ന്നാ​ലെ​യാ​ണ് സ​ർ​ക്കാ​ർ പു​തി​യ നീ​ക്കം ന​ട​ത്തു​ന്ന​ത്. സൂം, ​ടി​ക് ടോ​ക്ക്, യു​സി ബ്രൗ​സ​ർ, ഷെ​യ​ർ ഇ​റ്റ് തു​ട​ങ്ങി ജ​ന​പ്രി​യ​മാ​യ ആ​പ്പു​ക​ളു​ടെ ഉ​പ​യോ​ഗം നി​ർ​ത്താ​ൻ ജ​ന​ങ്ങ​ളെ സ​ർ​ക്കാ​ർ ഉ​പ​ദേ​ശി​ക്ക​ണ​മെ​ന്നും ര​ഹ​സ്യാ​ന്വേ​ഷ​ണ വി​ഭാ​ഗം ആ​വ​ശ്യ​പ്പെ​ട്ട​താ​യാ​ണ് റി​പ്പോ​ർ​ട്ടു​ക​ൾ.

ഇന്ത്യാ ചൈന സംഘര്‍ഷത്തിനിടെ വലിയ രീതിയില്‍ ചൈന വിരുദ്ധ വികാരം രാജ്യത്ത് ഉടലെടുത്തിട്ടുണ്ട്. ഇതിന്റെ ഭാഗമായി ചൈനീസ് സ്മാര്‍ട്‌ഫോണുകള്‍ ബഹിഷ്‌കരിച്ച് പകരം മൈക്രോ മാക്‌സ് പോലുള്ള ഇന്ത്യന്‍ നിര്‍മിത ബ്രാന്‍ഡുകളുടെ ഫോണുകള്‍ ഉപയോഗിക്കാനുള്ള ആഹ്വാനം ഓണ്‍ലൈനില്‍ പ്രചരിക്കുന്നുണ്ട്. വിലകുറഞ്ഞ ചൈനീസ് ഫോണുകള്‍ക്കു പകരം ഇന്ത്യന്‍ സ്മാര്‍ട്‌ഫോണ്‍ ബ്രാന്‍ഡായ മൈക്രോമാക്‌സ് മൂന്ന് പുതിയ സ്മാര്‍ട്‌ഫോണുകള്‍ പുറത്തിറക്കുമെന്ന് ട്വീറ്റുകളിലൂടെ മൈക്രോമാക്‌സ് പറയുന്നു. ജനപ്രിയ ചൈനീസ് ആപ്പായ ടിക് ടോക്കിനു പകരമായി ടിക് ടോക്കിനെ പോലെ ഇന്ത്യന്‍ നിര്‍മിത ഹ്രസ്വ വീഡിയോ പ്ലാറ്റ്‌ഫോം ആരംഭിക്കാനുള്ള പദ്ധതി ഇന്ത്യന്‍ സ്ട്രീമിങ് സേവനമായ സീ5 (Zee5) ആരംഭിച്ചു കഴിഞ്ഞു. നിലവില്‍ ബീറ്റാ പതിപ്പിലുള്ള ഈ സേവനം ജൂലായ് മുതല്‍ ലഭ്യമാവും.

സേഫ്റ്റിപിന്‍ മുതല്‍ കംന്പ്യൂട്ടര്‍ വരെയുള്ള ഉത്പ്പന്നങ്ങളുമായി ഇന്ത്യന്‍ വിപണിയെ അടക്കിവാഴുകയാണ് ചൈന. 2018-ൽ ഇന്ത്യയും ചൈനയുമായുള്ള ഉഭയകക്ഷി വ്യാപാരം (2019-ലെ കണക്കുകൾ ഇനിയും പുറത്തുവന്നിട്ടില്ല) 7.2 ലക്ഷം കോടി രൂപയുടേതായിരുന്നു. (ഇതിൽ ഇന്ത്യയുടെ കയറ്റുമതിയിൽനിന്നുള്ള സംഭാവന 1.4 ലക്ഷം കോടിരൂപ മാത്രമാണ്). 5.8 ലക്ഷം കോടിരൂപ വിലവരുന്ന ഉത്പന്നങ്ങൾ ഇന്ത്യയിലേക്ക് കയറ്റുമതി ചെയ്യുന്ന ചൈനയ്ക്കാണ് ഈ വ്യാപാരത്തിൽ മേൽക്കൈയുള്ളതെന്ന് വ്യാപാരക്കണക്കുകൾ സൂചിപ്പിക്കുന്നു. ചൈനയില്‍ നിന്നുള്ള ഈ ഇറക്കുമതിയെ തടയിടുവാനായാല്‍ അത് കനത്ത ആഘാതമായിരിക്കും ചൈനക്ക് വരുത്തിവെക്കുക.

  •  
  •  
  •  
  •  
  •  
  •  
  •