നേതൃത്വം ഒഴിയാന് തയ്യാറായി നെഹ്റു കുടുംബം. നിര്ണ്ണായക എഐസിസി നാളെ…
അഞ്ച് സംസ്ഥാനങ്ങളിലെ തെരഞ്ഞെടുപ്പിലേറ്റ കനത്ത പരാജയത്തിന്റെ ഉത്തരവാദിത്വം ഏറ്റെടുത്ത് കോണ്ഗ്രസ് പാർട്ടിയുടെ ദേശീയ അധ്യക്ഷ പദവിയിൽ താത്കാലികമായി തുടരുന്ന സോണിയ ഗാന്ധി, എഐസിസി സെക്രട്ടറി പ്രിയങ്ക വാദ്ര, രാഹുല് ഗാന്ധി എന്നിവര് കോണ്ഗ്രസ്സിലെ നേതൃ സ്ഥാനങ്ങളൊഴിയും. പരാജയം അവലോകനം ചെയ്യുന്നതിനായി നാളെ ചേരുന്ന കോണ്ഗ്രസ് പ്രവര്ത്തക സമിതിയുടെ യോഗത്തിലായിരിക്കും സുപ്രധാനമായ രാജി പ്രഖ്യാപനം. ദേശീയ മാധ്യമങ്ങളാണ് നിര്ണായക തീരുമാനം പുറത്തുവിട്ടിരിക്കുന്നത്. യോഗം നാളെ വൈകീട്ട് നാലിന് ഡല്ഹിയിലെ എഐസിസി ഓഫീസില് ചേരുമെന്ന് കോണ്ഗ്രസ് അറിയിച്ചു. ഗ്രൂപ്പ് 23 നേതാക്കളുടെ ഭാഗത്ത് നിന്ന് വന്ന കടുത്ത വിമർശനമാണ് ഇപ്പോഴത്തെ തീരുമാനങ്ങളിലേക്ക് നയിച്ചത്. അതേസമയം സോണിയയും രാഹുലും പ്രിയങ്കയും സമ്മർദ്ദ തന്ത്രം പയറ്റുകയാണോയെന്ന് സംശയം ദേശീയ തലത്തിൽ ഉയർന്നിട്ടുണ്ട്.
ഒന്നിന് പിന്നാലെ ഒന്നായി ഓരോ തെരഞ്ഞെടുപ്പിലും പാര്ട്ടി തോറ്റ് തുന്നം പാടുമ്പോള് നേതൃത്വം മാറിയേ തീരൂ എന്ന ആവശ്യം ശക്തമാക്കുകയാണ് ഗ്രൂപ്പ് 23 നേതാക്കള്. കപില് സിബല്, ആനന്ദ് ശര്മ്മ, ഭൂപേന്ദ്രഹൂഡ, മനീഷ് തിവാരി എന്നീ നേതാക്കളാണ് ഗുലാംനബി ആസാദിന്റെ വീട്ടില് ഒത്തു കൂടിയത്. അധ്യക്ഷ സ്ഥാനത്ത് നിന്ന് ഗാന്ധി കുടംബം പിന്മാറണം. അധ്യക്ഷ സ്ഥാനം ഒഴിഞ്ഞാല് രാജസ്ഥാന് മുഖ്യമന്ത്രി അശോക് ഗലോട്ടിനെ ആ സ്ഥാനത്തേക്ക് കൊണ്ടുവരാനും മല്ലികാര്ജുന ഖാര്ഗയെ പാര്ലമെന്ററി പാര്ട്ടി നേതാവാക്കാനുമായിരുന്നു ഗാന്ധി കുടുംബത്തിന്റെ ആലോചന. എന്നാല് ഈ ഫോര്മുല അംഗീകരിക്കേണ്ടതില്ലെന്നും ഗ്രൂപ്പ് 23 തീരുമാനിച്ചിരുന്നു. സംഘടന ജനറല് സെക്രട്ടറി സ്ഥാനത്തും അഴിച്ചു പണി വേണം. പഞ്ചാബിലെ തോല്വിയടക്കം ചൂണ്ടിക്കാട്ടി പ്രവര്ത്തക സമിതിയില് കെ സി വേണുഗോപാലിനെതിരെ നിലപാട് ശക്തമാക്കാനും ഗ്രൂപ്പ് 23 ന്റെ യോഗം തീരുമാനിച്ചതായാണ് പുറത്തുവരുന്ന വാര്ത്തകള്. ഇക്കഴിഞ്ഞ തെരഞ്ഞെടുപ്പിലെ സ്ഥാനാര്ത്ഥി നിര്ണ്ണയം പോലും ഏകപക്ഷീയമായിരുന്നുവെന്നും അതാണ് തോല്വിക്ക് പ്രധാനകാരണമായി തീര്ന്നത് എന്നുമാണ് ജി23 നേതാക്കളുടെ വിലയിരുത്തല്.
തെരഞ്ഞെടുപ്പ് തോല്വിക്കുളള കാരണവും, പാര്ട്ടിയുടെ നിലവിലെ രാഷ്ട്രീയ സാഹചര്യവും നാളത്തെ യോഗം അവലോകനം ചെയ്യാനിരിക്കുകയാണ്. പഞ്ചാബ് ഉള്പ്പെടെയുളള അഞ്ച് സംസ്ഥാനങ്ങളിലേയും കനത്ത തോല്വിക്ക് ശേഷം ജനവിധി അംഗീകരിക്കുന്നുവെന്ന് കോണ്ഗ്രസ് നേതാവ് രാഹുല് ഗാന്ധി വ്യാഴാഴ്ച പറഞ്ഞിരുന്നു. കോണ്ഗ്രസ് പ്രവര്ത്തകരുടെ കഠിനാധ്വാനത്തിനും അര്പ്പണബോധത്തിനും അദ്ദേഹം നന്ദി പറയുകയും ചെയ്തിരുന്നു. അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പുകളില് അഭിമുഖീകരിക്കേണ്ടിവന്ന കനത്ത പരാജയത്തിന്റെ പശ്ചാത്തലത്തില് സോണിയാ ഗാന്ധിയും പ്രിയങ്ക ഗാന്ധിയും സ്ഥാനസ്ഥാനങ്ങള് രാജിവെച്ചേക്കുമെന്ന വാര്ത്ത തള്ളി കോണ്ഗ്രസ് രംഗത്തു വന്നു. . പരാജയത്തിന്റെ ധാര്മിക ഉത്തരവാദിത്വം ഏറ്റെടുത്ത് നാളെ ചേരുന്ന കോണ്ഗ്രസ് പ്രവര്ത്തക സമിതി യോഗത്തില് ഇവര് സ്ഥാനങ്ങള് ഒഴിയുമെന്ന് ചില ദേശീയ മാധ്യമങ്ങള് റിപ്പോര്ട്ട് ചെയ്തിരുന്നു. ഇത് തള്ളിക്കൊണ്ട് കോണ്ഗ്രസ് വക്താവ് രണ്ദീപ് സിങ് സുര്ജേവാല ട്വീറ്റ് ചെയ്തു,
