ഇടിമിന്നലിനെ ഭയന്ന് ഒരു ഗ്രാമം

തു​ലാ​മാ​സ​ത്തി​ലെ ഇ​ടി​മി​ന്ന​ൽ നാ​ശം വി​ത​ക്കു​ന്ന​ത് പ​തി​വാ​ണെ​ങ്കി​ലും മാ​വേ​ലി​ക്ക​ര ന​ഗ​ര​സ​ഭ​യി​ൽ 28-ാം വാ​ർ​ഡി​ലെ ജനങ്ങള്‍ ഇടിമിന്നലുകള്‍ക്കൊണ്ട് പൊറുതി മുട്ടിയിരിക്കുകയാണ്. കഴിഞ്ഞ അ​ഞ്ചു​വ​ർ​ഷ​മാ​യി ഇ​ടി​മി​ന്ന​ൽ ഭീ​തി​യി​ൽ ആണ് ഈ പ്ര​ദേ​ശം. ഒ​രു പ്ര​ദേ​ശ​ത്തു മാ​ത്രം ഇടിമിന്നല്‍ ക​ന​ത്ത​തോ​തി​ൽ നാ​ശ​മു​ണ്ടാ​കു​ന്ന​ത് എന്തുകൊണ്ടെന്നാണ് ഇവര്‍ ചോദിക്കുന്നത്. ത​ട്ടാ​ര​ന്പ​ലം മ​റ്റം വ​ട​ക്കു​ള്ള ഈ ​മേ​ഖ​ല​യി​ൽ നൂ​റി​ലേ​റെ വീ​ടു​ക​ളു​ണ്ട്. ഇവിടെ ഇ​ടി​മി​ന്ന​ലി​ൽ നാ​ശ​മു​ണ്ടാ​കാ​ത്ത വീ​ടു​ക​ൾ വി​ര​ലി​ലെ​ണ്ണാ​വു​ന്ന​വ മാ​ത്രം. 2015ലാ​ണ് ഈ ​പ്ര​തി​ഭാ​സം തു​ട​ങ്ങി​യ​തെ​ന്ന്് നാ​ട്ടു​കാ​ർ പ​റ​യു​ന്നു.

ക​ഴി​ഞ്ഞ ദി​വ​സ​ത്തെ ഇ​ടി​മി​ന്ന​ലി​ലും വൈ​ദ്യു​ത ഉ​പ​ക​ര​ണ​ങ്ങ​ളും വൃ​ക്ഷ​ങ്ങ​ളും ക​ത്തി​ക്ക​രി​ഞ്ഞു. ടി​വി, ഫ്രി​ഡ്ജ്, വാ​ഷിം​ഗ് മെ​ഷി​ൻ, ഇ​ലക്‌ട്രിക് വ​യ​റിം​ഗ്, വീ​ടു​ക​ൾ, മ​തി​ലു​ക​ൾ എ​ന്നു​വേ​ണ്ട പ്ര​ദേ​ശ​ത്ത് മി​ന്ന​ലേ​ൽ​ക്കാ​ത്ത മ​ര​ങ്ങ​ളും ചു​രു​ക്ക​മാ​ണ്. വീ​ടു​ക​ളി​ലെ ഇ​ലക്‌ട്രിക് ഉ​പ​ക​ര​ണ​ങ്ങ​ൾ​ക്കൊ​ന്നും ആ​യു​സി​ല്ല. മാ​വേ​ലി​ക്ക​ര​യി​ലെ ഇ​ല​ക്‌ട്രി ക് ഉ​പ​ക​ര​ണ​ങ്ങ​ൾ ന​ന്നാ​ക്കു​ന്ന മി​ക്ക​ക​ട​ക​ളി​ലും ഏ​റ്റ​വു​മേ​റെ കേ​സു​ക​ൾ വ​രു​ന്ന​തും ഇ​വി​ടെനി​ന്നുത​ന്നെ.

മ​റ്റം വ​ട​ക്ക് സ​ണ്‍​ഡേ സ്കൂ​ളി​ന്‍റെ പ​രി​സ​ര​ പ്രദേശങ്ങളില്‍ തു​ലാ​മാ​സ​ത്തി​ൽ ജ​നം പു​റ​ത്തി​റ​ങ്ങാ​ൻ ഭ​യ​ക്കു​ക​യാ​ണ്. ആ​ളു​ക​ൾ​ക്ക് ജീ​വ​ൻ ന​ഷ്ട​പ്പെ​ട്ടി​ട്ടി​ല്ല​ന്ന​താ​ണ് ഏ​ക ആ​ശ്വാ​സം. ദു​രൂ​ഹ​മാ​യ ഈ ​പ്ര​തി​ഭാ​സം പ​ഠ​ന വി​ധേ​യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.