ലോകത്തിലെ ഏറ്റവും വലിയ ലിഫ്റ്റ് (അവതാര്‍ ലിഫ്റ്റ്) തുറന്നു

ലോകത്തില്‍ ഏറ്റവും ഉയരത്തിലേക്ക് പോകുന്ന ലിഫ്റ്റ് ഏതെന്നു ചോദിച്ചാല്‍ ഒറ്റ ഉത്തരമേ ഉള്ളൂ. ചൈ​ന​യി​ലെ ഴാ​ങ്ജി​യാ​ജി ഫോ​റ​സ്റ്റ് പാ​ര്‍​ക്കിലെ കൊടുമുടികളിലേക്ക് കയറിപോകുന്ന ‘അവതാര്‍’ ലിഫ്റ്റ്.​ 12,000 ഏ​ക്ക​റി​ലാ​യി മൂ​വാ​യി​ര​ത്തോ​ളം സൂ​ചി​മ​ല​ക​ളാല്‍ നിറഞ്ഞ ‘ഴാ​ങ്ജി​യാ​ജി ഫോ​റ​സ്റ്റ് പാ​ര്‍​ക്കിലെ “അ​വ​താ​ര്‍ കു​ന്നു​ക​ള്‍’ എ​ന്ന​റി​യ​പ്പെ​ടു​ന്ന ഉ​യ​ര്‍​ന്നു​പൊ​ങ്ങി​യ മ​ല​നി​ര​ക​ളു​ടെ മു​ക​ളി​ലേ​ക്കാ​ണ് ഈ ​കൂ​റ്റ​ന്‍ ലി​ഫ്റ്റ് സ​ഞ്ചാ​രി​ക​ളെ കൊ​ണ്ടു​പോ​വു​ന്ന​ത്. കോവിഡിനെ പ്രതിരോധിക്കുവാനായി കഴി‍ഞ്ഞ ഒരു വര്‍ഷമായി അടച്ചിട്ടിരിക്കുകയായിരുന്നു ഈ പാര്‍ക്ക്. അതാണ് സഞ്ചാരികള്‍ക്കായി വീണ്ടും തുറന്നു കൊടുത്തിരിക്കുന്നത്.

ഈ ​ലി​ഫ്റ്റി​ല്‍ ക​യ​റി​യാ​ല്‍ 88 സെ​ക്ക​ന്‍റു​ക​ള്‍ കൊ​ണ്ട് നി​ങ്ങ​ള്‍​ക്ക് 1000 അ​ടി (300 മീ​റ്റ​ർ) മു​ക​ളി​ല്‍ എ​ത്താ​നാ​വും. ഇ​തു ത​ന്നെ​യാ​ണ് സ​ഞ്ചാ​രി​ക​ളെ ഇ​വി​ടേ​ക്ക് ആ​ക​ര്‍​ഷി​ക്കു​ന്ന​ത്. ഓ​രോ ലി​ഫ്റ്റി​ലും ഒ​രേ​സ​മ​യം 50 യാ​ത്ര​ക്കാ​ര്‍​ക്ക് സ​ഞ്ച​രി​ക്കാം.ഒ​രാ​ള്‍​ക്ക് ഒ​രു ത​വ​ണ സ​ഞ്ച​രി​ക്കാ​ന്‍ 19 ഡോ​ള​ർ (ഏ​ക​ദേ​ശം 1400 രൂ​പ) ആ​വും. മൂ​ന്ന് ഡ​ബി​ള്‍ ഡെ​ക്ക​ര്‍ എ​ലി​വേ​റ്റ​റു​ക​ളാ​ണ് ഇ​വി​ടെ പ്ര​വ​ര്‍​ത്തി​ക്കു​ന്ന​ത്. 2003-ലാ​ണ് പി​ന്നീ​ട് ലി​ഫ്റ്റ് സ​ഞ്ചാ​രി​ക​ള്‍​ക്ക് തു​റ​ന്നു​കൊ​ടു​ത്ത​ത്. കൊ​റോ​ണ​ക്കാ​ല​ത്ത് ലി​ഫ്റ്റ് അ​ട​ച്ചി​ട്ടി​രി​ക്കു​ക​യാ​യി​രു​ന്നു. ഹോ​ളി​വു​ഡി​ൽ അ​ദ്ഭു​തം കാ​ണി​ച്ച ജ​യിം​സ് കാ​മ​റൂ​ണി​ന്‍റെ അ​വ​താ​ർ സിനിമയുടെ പ്രധാന ലൊക്കേഷന്‍ ഴാ​ങ്ജി​യാ​ജി ഫോ​റ​സ്റ്റ് പാ​ര്‍​ക്കിലെ കൊടുമുടികളായിരുന്നു. അ​വ​താ​ർ സി​നി​മ ക​ണ്ടി​ട്ടാ​ണ് കൂ​ടു​ത​ൽ പേ​രും ഇപ്പോള്‍ ഇ​വി​ടേ​ക്ക് എ​ത്തു​ന്ന​ത്.