അമേരിക്കന്‍ യുദ്ധവിമാനത്തിന്‍റെ മൂക്കിന്‍ തുമ്പത്ത്‌ ചൈനീസ് യുദ്ധവിമാനം. പ്രതിക്ഷേധിച്ച് അമേരിക്ക.

തായ്‌വാനുമായി ബന്ധപ്പെട്ട് വർദ്ധിച്ചുവരുന്ന പിരിമുറുക്കങ്ങൾക്കിടയിൽ, കഴിഞ്ഞയാഴ്ച ചൈന വൻ സൈനികാഭ്യാസം നടത്തിയതിന് തൊട്ടുപിന്നാലെ, ദക്ഷിണ ചൈനാ കടലിന് മുകളിലൂടെ ഒരു ചൈനീസ് യുദ്ധവിമാനം യുഎസ് സൈനിക വിമാനത്തിന്റെ 20 അടി അകലത്തിൽ വന്ന മറ്റൊരു സംഭവം കൂടി റിപ്പോർട്ട് ചെയ്യപ്പെട്ടു. യുഎസ് ഇൻഡോ-പസഫിക് കമാൻഡിനെ ഉദ്ധരിച്ച് റിപ്പോർട്ടുകൾ പ്രകാരം, ദക്ഷിണ ചൈനാ കടലിനു മുകളിലൂടെ നിയമാനുസൃതമായി അന്താരാഷ്ട്ര ഓപ്പറേഷനുകൾ നടത്തിക്കൊണ്ടിരുന്ന യുഎസ് എയർഫോഴ്‌സിന്റെ RC-135 വിമാനം തടയുന്നതിനിടെ ചൈനീസ് നേവി ജെ-11 യുദ്ധവിമാന പൈലറ്റ് ആണ് സുരക്ഷിതമല്ലാത്ത അകലത്തില്‍ വിമാനം പറത്തിയത്. കഴിഞ്ഞയാഴ്ച, തായ്‌വാൻ വ്യോമാതിർത്തിക്ക് സമീപം ഇന്നുവരെയുള്ള ഏറ്റവും വലിയ സൈനികാഭ്യാസങ്ങളിലൊന്നായി കണക്കാക്കപ്പെടുന്ന 71 സൈനിക വിമാനങ്ങൾ പറത്തിയുള്ള സൈനിക അഭ്യാസമാണ് കഴിഞ്ഞയാഴ്ച ചൈന നടത്തിയത്.

യുഎസ് അധികൃതർ പുറത്തുവിട്ട വീഡിയോ ഫൂട്ടേജ് അനുസരിച്ച്, ചൈനീസ് യുദ്ധവിമാനം യുഎസ് എയർഫോഴ്‌സിന്റെ RC-135 വിമാനത്തിന്റെ ‘മുക്കിന്റെ 20 അടിക്കുള്ളിലും മുന്നിലും പറന്ന് സുരക്ഷിതമല്ലാത്ത പറക്കലിലൂടെ യുഎസ് വിമാനത്തെ കൂട്ടിയിടി ഒഴിവാക്കാൻ ഒഴിഞ്ഞുമാറുന്ന തന്ത്രങ്ങൾ സ്വീകരിക്കുവാന്‍ നിർബന്ധിതമാക്കി’

അന്താരാഷ്ട്ര നിയമത്തിന് കീഴിലുള്ള എല്ലാ കപ്പലുകളുടെയും വിമാനങ്ങളുടെയും സുരക്ഷ കണക്കിലെടുത്ത് കടലിലും അന്താരാഷ്‌ട്ര വ്യോമാതിർത്തിയിലും പറക്കുന്നതും സഞ്ചരിക്കുന്നതും പ്രവർത്തിക്കുന്നതും അനുവാദമുള്ള ദക്ഷിണ ചൈനാ കടലിന്‍റെ പ്രദേശത്താണ് യുഎസ് യുദ്ധവിമാനം പറന്നിരുന്നത്. സ്വതന്ത്രവും തുറന്നതുമായ ഇന്തോ-പസഫിക് മേഖലയ്ക്കായി സമർപ്പിക്കപ്പെട്ടിരിക്കുന്ന പ്രദേശമാണിതെന്ന് “യുഎസ് ഇൻഡോ-പസഫിക് ജോയിന്റ് ഫോഴ്സ്” യുഎസ് പസഫിക് കമാൻഡ് പുറത്തിറക്കിയ പ്രസ്താവനയില്‍ പറയുന്നു. തായ്‌വാനുമായി ചേർന്ന് അമേരിക്ക നടത്തിയ ‘പ്രകോപനങ്ങൾക്ക്’ മറുപടിയായാണ് സൈനികാഭ്യാസം നടത്തിയതെന്ന് പീപ്പിൾസ് ലിബറേഷൻ ആർമി (പിഎൽഎ) അറിയിച്ചു.

വാർത്താ ഏജൻസിയായ എഎഫ്‌പിയുടെ റിപ്പോർട്ട് അനുസരിച്ച്, 2021ൽ 969 സംഭവങ്ങൾ നടന്നപ്പോൾ 2022ൽ ചൈന ഇത്തരം 1700 നുഴഞ്ഞുകയറ്റങ്ങൾ നടത്തിയിട്ടുണ്ട്. തായ്‌വാനുമായി ബന്ധപ്പെട്ട് യുഎസും ചൈനയും തമ്മിലുള്ള പിരിമുറുക്കം വർദ്ധിച്ചുകൊണ്ടിരിക്കുകയാണ്. തായ്‌വാനുമായി ബന്ധപ്പെട്ട ചൈനയുടെ കടന്നുകയറ്റങ്ങളില്‍ നിന്ന് സ്വയം പ്രതിരോധിക്കാൻ വാഷിംഗ്ടൺ തായ്‌പേയ്‌ക്ക് സൈനിക സഹായം നൽകി വരുകയാണ്. തീ കൊണ്ട് കളിക്കരുതെന്ന് ഈ വർഷം ആദ്യം ചൈനീസ് പ്രസിഡന്റ് ഷി ജിൻപിംഗ് യുഎസ് പ്രസിഡന്റ് ജോ ബൈഡന് മുന്നറിയിപ്പ് നൽകിയിരുന്നു.

https://img-s-msn-com.akamaized.net/tenant/amp/entityid/AA15OhQS.img