മുതിര്ന്ന നേതാവ് ഗുലാം നബി ആസാദ് കോണ്ഗ്രസില് നിന്നും രാജിവച്ചു
അര നൂറ്റാണ്ടിലേറെ കാലം കോണ്ഗ്രസില് സജീവമായിരുന്ന മുതിര്ന്ന നേതാവ് ഗുലാം നബി ആസാദ് രാജിവച്ചു. കോണ്ഗ്രസിന്റെ പ്രാഥമിക അംഗത്വത്തില് നിന്നാണ് രാജിവച്ചത്. രാജിക്കത്ത് കോൺഗ്രസ് അധ്യ3സ്സിന്ർറെ ക്ഷ സോണിയ ഗാന്ധിക്ക് കൈമാറി. ഏറെകാലമായി തിരുത്തല് ശക്തിയായി നിന്ന് കലാപക്കൊടി ഉയര്ത്തിയതിനു ശേഷമാണ് കോണ്ഗ്രസിന്റെ ഈ തല മുതിര്ന്ന നേതാവ് പാര്ട്ടിയില് നിന്ന് പടിയിറങ്ങുന്നത്. ജമ്മു കശ്മീരിൽ കോണ്ഗ്രസിന്റെ പ്രചാരണ സമിതി അധ്യക്ഷ സ്ഥാനത്ത് നിന്ന് രാജി വച്ചതിന് തൊട്ടുപിന്നാലെയാണ് പാർട്ടിയുടെ പ്രാഥമിക അംഗത്വത്തില് നിന്നു തന്നെയുള്ള ഗുലാം നബിയുടെ രാജി. കോണ്ഗ്രസില് മുഴുവന് സമയ നേതൃത്വം വേണമെന്നാവശ്യപ്പെട്ട് 2020 ഓഗസ്റ്റില് കോണ്ഗ്രസ് അധ്യക്ഷ സോണിയാഗാന്ധിക്ക് തുറന്ന കത്തെഴുതിയ 23 നേതാക്കളില് തലപ്പത്തുണ്ടാിരുന്ന ആസാദിനെ എഐസിസി പുനഃസംഘടനയില് സെക്രട്ടറി സ്ഥാനത്ത് നിന്നും നീക്കിയിരിക്കുന്നു. കോണ്ഗ്രസ് പാര്ട്ടിയില് കൂട്ടായ ചര്ച്ചകള് നടക്കുന്നില്ലെന്നായിരുന്നു ഗുലാം നബി ആസാദ് കൂടി ഉൾപ്പെട്ട ഗ്രൂപ്പ് 23 ന്റെ വിമര്ശനം.
രാഹുല് ഗാന്ധിക്കെതിരെ രൂക്ഷ വിമര്ശനമാണ് ഗുലാം നബി ആസാദിന്റെ രാജിക്കത്തിലുള്ളത്. പാര്ട്ടിയിലെ കൂടിയാലോചന സംവിധാനത്തെ രാഹുല് ഗാന്ധി തകര്ത്തുവെന്നും പുതിയ ഉപജാപകവൃന്ദത്തെ സൃഷ്ടിച്ചു എന്നുമാണ് വിമര്ശനം. മുതിര്ന്നവരും പരിചയ സമ്പന്നരുമായ നേതാക്കളെ ഒതുക്കി എന്നും ഗുലാം നബി ആസാദ് രാജിക്കത്തില് വിമര്ശിക്കുന്നു. രാഹുല് ഗാന്ധി പക്വതയില്ലാത്ത വിധം പെരുമാറി. തിരുച്ചുവരാനാകാത്ത വിധം കോണ്ഗ്രസിനെ രാഹുല് ഗാന്ധി തകര്ത്തു എന്നും രാജിക്കത്തില് ഗുലാം നബി ആസാദ് വിമര്ശിക്കുന്നു. രാഷ്ട്രീയ ഇടം ബിജെപിക്ക് വിട്ടുനല്കിയെന്നും രാജിക്കത്തില് ഗുലാം നബി ആസാദ് വിമര്ശനം ഉയര്ത്തുന്നു.
മുതിര്ന്ന കോണ്ഗ്രസ് നേതാവ് ഗുലാം നബി ആസാദിന്റെ രാജി ദുഖകരമെന്ന് കോണ്ഗ്രസ്. വിലക്കയറ്റം ഉൾപ്പെടെയുള വിഷയങ്ങളിൽ പ്രതിഷേധം ശക്തമാക്കുവാനായി രാജിഭാരത് ജോഡോ യാത്രക്കായി പാർട്ടി ഒരുങ്ങുന്ന ഈ സമയത്തുള്ള രാജി ദൗർഭാഗ്യകരവും ദുഃഖകരവുമാണെന്ന് കോണ്ഗ്രസ് വക്താക്കളായ ജയറാം രമേശും അജയ് മാക്കനും പ്രതികരിച്ചു.
