സ്പീക്കര്ക്കെതിരെ കൂടുതല് മൊഴികള് പുറത്ത്.
സ്പീക്കര് പി.ശ്രീരാമകൃഷ്ണനെതിരേ സ്വര്ണക്കടത്ത് കേസിലെ പ്രതി സരിത്ത് നല്കിയ മൊഴിയും പുറത്ത്. യു.എ.ഇ. കോണ്സുല് ജനറലിന് കൈമാറാനായി സ്പീക്കര് തനിക്ക് പണമടങ്ങിയ ബാഗ് നല്കിയെന്നാണ് സരിത്തിന്റെ മൊഴിലുള്ളത്. ലോക കേരളസഭയുടെ ലോഗോയുള്ള ബാഗിലാണ് പണം കൈമാറിയത്. ഈ ബാഗില് നോട്ടുകെട്ടുകളായിരുന്നു. ഇത് കോണ്സുല് ജനറലിനുള്ള സമ്മാനമാണെന്നും അദ്ദേഹത്തിന് നല്കണമെന്നുമാണ് സ്പീക്കര് പറഞ്ഞത്. പിന്നീട് ഈ ബാഗാണ് കസ്റ്റംസ് തന്റെ വീട്ടില്നിന്ന് പിടിച്ചെടുത്തതെന്നും സരിത് നല്കിയ മൊഴിയില് പറയുന്നു. ക്രൈംബ്രാഞ്ച് രജിസ്റ്റര് ചെയ്ത എഫ്.ഐ.ആറിനെതിരേ എന്ഫോഴ്സ്മെന്റ് ഡയറക്ടറേറ്റ് ഹൈക്കോടതിയില് നല്കിയ ഹര്ജിക്കൊപ്പമാണ് സരിത്തിന്റെ മൊഴിപകര്പ്പും സമര്പ്പിച്ചിട്ടുള്ളത്.
