ചന്ദ്രയാന് 2 ന്റെ വിക്ഷേപണം മാറ്റിവച്ചു
ചന്ദ്രയാന് വിക്ഷേപണം മാറ്റിവച്ചതായി ഐഎസ്ആര്ഒ അറിയിച്ചു. വിക്ഷേപണത്തിന് 56 മിനുട്ട് ബാക്കിയുള്ളപ്പോഴാണ് സാങ്കേതിക തകരാര് മൂലം കൗണ്ട്ഡൗൺ നിർത്തി വിക്ഷേപണം മാറ്റിവച്ചത്. വിക്ഷേപണത്തിനുള്ള പുതിയ തീയതി പിന്നീട് അറിയിക്കുമെന്ന് ഐഎസ്ആര്ഒ വ്യക്തമാക്കി.
പുലര്ച്ചെ 2.51ന് ആയിരുന്നു വിക്ഷേപണം നടത്താന് തീരുമാനിച്ചിരുന്നത്. ക്രയോജനിക് ഘട്ടത്തിൽ ഇന്ധനം നിറയക്കുന്നതുൾപ്പെടെയുള്ള പ്രക്രിയകൾ പൂർത്തിയായതായിരുന്നു. ചന്ദ്രനെ വലം വയ്ക്കാനുള്ള ഓർബിറ്റർ, ചന്ദ്രനിൽ ഇറങ്ങാൻ പോകുന്ന വിക്രം ലാൻഡർ, ചന്ദ്ര പര്യവേഷണത്തിനായി തയ്യാറാക്കിയിട്ടുള്ള പ്രഗ്യാൻ റോവർ എന്നിങ്ങനെ മൂന്ന് ഘടകങ്ങൾ അടങ്ങിയതാണ് ചന്ദ്രയാൻ രണ്ട്. ഇന്ന് വരെ ഒരു പര്യവേഷണ വാഹനവും കടന്ന് ചെല്ലാത്ത ചന്ദ്രന്റെ ദക്ഷിണധ്രുവത്തിലാണ് ചന്ദ്രയാൻ രണ്ടിന്റെ വിക്രം ലാൻഡർ ലക്ഷ്യം വച്ചിരുന്നത്
978 കോടി രൂപയാണ് ദൗത്യത്തിന്റെ ആകെ ചിലവ്. ഇതിൽ 603 കോടി രൂപ ചന്ദ്രയാൻ രണ്ടിന്റെയും 375 കോടി രൂപ ജിഎസ്എൽവി വിക്ഷേപണവാഹനത്തിന്റെയും ചിലവാണ്. മിക്ക ഹോളിവുഡ് സയൻസ് ഫിക്ഷൻ, ആക്ഷൻ ത്രില്ലർ സിനിമകളെക്കാൾ കുറഞ്ഞ ചെലവിലുള്ള ചന്ദ്രയാൻ 2 ആണ് ലോകത്തിലെ ഏറ്റവും ചിലവ് കുറഞ്ഞ ചാന്ദ്രദൗത്യം.
.
