പോലീസ് ലുക്ക് ഔട്ട് നോട്ടീസ് പുറപ്പെടുവിച്ചു. പിന്നാലെ മന്നുപേര് പിടിയില്
തിരുവനന്തപുരം യൂണിവേഴ്സിറ്റി കോളേജ് വിദ്യാര്ത്ഥി അഖിലിനെ കുത്തികൊല്ലാന് ശ്രമിച്ച കേസിലെ പതികള് ഒളിവില് പോയ സാഹചര്യത്തില് പ്രതികളെ കണ്ടടെത്തുവനാനാി പോലീസ് ലുക്ക്ഔട്ട് നോട്ടീസ് പുറപ്പെടുവിച്ചതിന്റെ പിന്നാലെ മൂന്ന് പ്രതികള് പിടിയില്. കോളേജിലെ എസ്എഫ്ഐ യൂണിറ്റ് ഭാരവാഹികള് കൂടിയായ ആരോമല്, അദ്വൈത്, ആദില് എന്നിവരെയാണ് പൊലീസ് കസ്റ്റഡിയില് എടുത്തിരിക്കുന്നത്. സാക്ഷിമൊഴികളുടെ അടിസ്ഥാനത്തില് അക്രമിസംഘത്തിലുണ്ടായിരുന്ന കോളേജ് എസ്എഫ്ഐ യൂണിറ്റ് കമ്മിറ്റി അംഗം ഇജാബിനെ നേരത്തെ അറസ്റ്റ് ചെയ്തിരുന്നു. ഇതോടെ കേസില് അറസ്റ്റിലായവരുടെ എണ്ണം നാലായി.
അതേസമയം കേസിലെ ഒന്ന്,രണ്ട് പ്രതികളും എസ്എഫ്ഐ കോളേജ് യൂണിറ്റ് പ്രസിഡന്റും, സെക്രട്ടറിയുമായ ശിവരഞ്ജിത്ത്, നസീമും അഞ്ച് പേരെ കൂടി പിടികൂടാനുണ്ട്. അവര് ഇപ്പോഴും പാര്ട്ടി സംരക്ഷണയില് ഒളിവില് കഴിയുകയാണ്ന്ന ആരോപണം ശക്തമാണ് . ഇപ്പോള് പിടിയിലായിരിക്കുന്ന ആരോമലും രണ്ടാം പ്രതി നസീമും കഴിഞ്ഞ വര്ഷം പാളയം രക്തസാക്ഷി മണ്ഡപത്തിന് സമീപം വച്ച് പൊലീസുകാരെ മര്ദ്ദിച്ച കേസിലെ പ്രതികളാണ്.
വെള്ളിയാഴ്ച നടന്ന കത്തിക്കുത്തിനെ തുടര്ന്ന് കോളേജിലെ എസ്എഫ്ഐ യൂണിറ്റ് പിരിച്ചു വിടുകയും കേസിള് ഉള്പ്പെട്ടവരെ സംഘടനയില്നിന്നും സസ്പെന്ഡ് ചെയ്യുകയും ചെയ്തിരുന്നു. അതേസമയം രണ്ട് ദിവസത്തെ അവധി തീര്ന്ന് തിങ്കളാഴ്ച കോളേജ് തുറന്ന ശേഷമേ പ്രതികളായ വിദ്യാര്ത്ഥികള്ക്ക് നേരെ നടപടിയുണ്ടാവൂ എന്നാണ് കോളേജ് പ്രിന്സിപ്പള് പറയുന്നത്.
