റദ്ദാക്കിയ കാര്ഷിക നിയമങ്ങള് വീണ്ടും കൊണ്ടുവരും നരേന്ദ്ര സിങ് തോമര്
റദ്ദാക്കിയ കാര്ഷിക നിയമങ്ങള് വീണ്ടും കൊണ്ടുവന്നേക്കും കേന്ദ്രകൃഷിമന്ത്രി നരേന്ദ്ര സിങ് തോമര്
പ്രതിഷേധങ്ങള്ക്കു പിന്നാലെ റദ്ദാക്കിയ കാര്ഷിക നിയമങ്ങള് വീണ്ടും കൊണ്ടുവന്നേക്കുമെന്ന സൂചന നല്കി കേന്ദ്രകൃഷിമന്ത്രി നരേന്ദ്ര സിങ് തോമര്. മഹാരാഷ്ട്രയില് വെള്ളിയാഴ്ച നടന്ന ഒരു പരിപാടിയില് സംസാരിക്കുകയായിരുന്നു അദ്ദേഹം. ഞങ്ങള് കാര്ഷിക ഭേദഗതി നിയമങ്ങള് കൊണ്ടുവന്നു. പക്ഷെ, ചില ആളുകള്ക്ക് ആ നിയമങ്ങള് ഇഷ്ടമായില്ല. സ്വാതന്ത്ര്യം ലഭിച്ച് 70 വര്ഷങ്ങള്ക്കു ശേഷം, പ്രധാനമന്ത്രി നരേന്ദ്ര മോദിയുടെ നേതൃത്വത്തില് കൊണ്ടുവന്ന വന് പരിഷ്കാരമായിരുന്നു അവ, തോമര് പറഞ്ഞു. എന്നാല് സര്ക്കാരിന് നിരാശയില്ല. ഞങ്ങള് ഒരു ചുവടു പിന്നോട്ടുവെച്ചു. പക്ഷെ ഞങ്ങള് വീണ്ടും മുന്നോട്ടുപോകും, കാരണം കര്ഷകരാണ് ഇന്ത്യയുടെ നട്ടെല്ല്, തോമര് കൂട്ടിച്ചേര്ത്തു.
തോമറിന്റെ പ്രസ്ഥാവനക്കെതിരെ കടുത്ത വിമര്ശനവുമായി കോണ്ഗ്രസ് രംഗത്തെത്തി. അടുത്തവര്ഷം നടക്കുന്ന നിയമസഭാ തിരഞ്ഞെടുപ്പിന് ശേഷം കാര്ഷിക നിയമങ്ങള് തിരികെ കൊണ്ടുവരാന് കേന്ദ്ര സര്ക്കാര് ഗൂഢാലോചന നടത്തുന്നുണ്ടെന്നും തിരഞ്ഞെടുപ്പില് പരാജയപ്പെടുത്തി സര്ക്കാരിനെ പാഠംപഠിപ്പിക്കണമെന്നും കോണ്ഗ്രസ് ആവശ്യപ്പെട്ടു. കര്ഷകരോട് മാപ്പ് പറഞ്ഞ പ്രധാനമന്ത്രി നരേന്ദ്ര മോദിയെ രാജ്യത്തെ കാര്ഷിക മന്ത്രി അപമാനിച്ചെന്നും ഇത് അപലപനീയമാണെന്നും രാഹുല് ഗാന്ധി ട്വീറ്റ് ചെയ്തു.
