ഇരുപതിലധികം തവണ മാറ്റിവയ്ക്കപ്പെട്ട ലാവ്ലിന് കേസിന്റെ വാദം ഇന്ന് തുടങ്ങും
ഇരുപതിലധികം തവണ മാറ്റിവയ്ക്കപ്പെട്ട ലാവ്ലിന് കേസിന്റെ നിര്ണായക വാദം ഇന്ന് തുടങ്ങും. ജസ്റ്റിസ് യു.യു. ലളിത് അധ്യക്ഷനായ ബെഞ്ചാണ് കേസ് പരിഗണിക്കുന്നത്. കഴിഞ്ഞ രണ്ട് തവണ കേസ് പരിഗണിച്ചപ്പോഴും കേസിന് വേണ്ട രേഖകള് ശേഖരിച്ചു കൊണ്ടിരിക്കുകയാണെന്നും കേസ് പരിഗണിക്കുന്നത് മാറ്റി വയ്ക്കണമെന്നും ആയിരുന്നു സിബിഐയുടെ ആവശ്യം. ഇന്ന് കേസില് വാദത്തിന് തയാറാണെന്ന് സിബിഐ സുപ്രിംകോടതിയില് വ്യക്തമാക്കും. തുഷാര് മേത്തയാവും കോടതിയില് സിബിഐക്കായി ഹാജരാവുക.
മുഖ്യമന്ത്രി പിണറായി വിജയന് എതിര്കക്ഷിയായ ലാവ്ലിന് കേസ് ഹൈക്കോടതി ഉള്പ്പെടെ രണ്ട് കോടതികള് മുന്പ് തള്ളിയിരുന്നതിനാല് ശക്തമായ തെളിവുകള് ഉണ്ടെങ്കിലെ കേസില് തുടര്വാദം സാധ്യമാകൂ എന്ന് സുപ്രിംകോടതി നേരത്തെ വ്യക്തമാക്കിയിരുന്നു. കഴിഞ്ഞ രണ്ട് തവണ കേസ് പരിഗണിച്ചപ്പോഴും കേസിന് വേണ്ട രേഖകള് ശേഖരിച്ചു കൊണ്ടിരിക്കുകയാണെന്നാണ് സിബിഐ കോടതിയെ അറിയിച്ചത്. ഇന്ന് മുതല് കേസില് വാദം ആരംഭിക്കാം എന്ന സിബിഐ നിലപാടിനോട് മറ്റു കക്ഷികളും യോജിച്ചിട്ടുണ്ട്. പിണറായി വിജയനടക്കമുള്ളവരെ കുറ്റവിമുക്തരാക്കിയ കേരള ഹൈക്കോടതി വിധി ചോദ്യം ചെയ്താണ് സിബിഐ നല്കിയ ഹര്ജി. പ്രതിപട്ടികയിലുള്ള കസ്തൂരിരംഗ അടക്കമുള്ളവര് നല്കിയ ഹര്ജിയും ഈ കേസിനൊപ്പം സുപ്രിംകോടതി പരിഗണിക്കും.
