നാലാം റൗണ്ട് ചര്ച്ചയും പരാജയം. കാര്ഷിക നിയമങ്ങള് പിന്വലിക്കണമെന്ന ആവശ്യത്തിലുറച്ച് കര്ഷകര്.
കേന്ദ്രസര്ക്കാരും പുതിയ കാര്ഷിക നിയമങ്ങളില് പ്രതിക്ഷേധിക്കുന്ന കർഷകരും തമ്മിലുള്ള നാലാം റൗണ്ട് ചർച്ചയും പരാജയപ്പെട്ടു. കേന്ദ്രസർക്കാരും പ്രതിഷേധിക്കുന്ന കർഷക സംഘങ്ങളുടെ നേതാക്കളും തമ്മിലുള്ള അടുത്ത കൂടിക്കാഴ്ച ഡിസംബർ 5 ന് നടക്കും. കാർഷിക മന്ത്രി നരേന്ദ്ര സിംഗ് തോമർ, പീയൂഷ് ഗോയൽ എന്നിവരുമായി 40 ഓളം കര്ഷക യൂണിയൻ നേതാക്കൾ ആണ് ചര്ച്ചയില് പങ്കെടുത്തത്.
കർഷകർ അവരുടെ ആവശ്യത്തിൽ ഉറച്ചുനിൽക്കുകയും തങ്ങളുടെ ഉൽപ്പന്നങ്ങൾ എംഎസ്പിയിൽ നിന്ന് വാങ്ങുമെന്ന് കേന്ദ്രം ഉറപ്പ് നൽകണമെന്ന് ആവശ്യപ്പെടുകയും ചെയ്തു.
പുതിയ കാർഷിക നിയമങ്ങൾ നിർത്തലാക്കാൻ സർക്കാർ പാർലമെന്റിന്റെ പ്രത്യേക സമ്മേളനം വിളിക്കണമെന്ന് കർഷക നേതാക്കൾ നിർദ്ദേശിച്ചതായി ANI റിപ്പോർട്ട് ചെയ്യുന്നു. എന്നാല് നിലവിലുള്ള മിനിമം സപ്പോർട്ട് പ്രൈസ് (എംഎസ്പി)യില് അതിൽ മാറ്റങ്ങളൊന്നും വരുത്തില്ലെന്നും അത് നയപരമായ തീരുമാനമാണെന്നും ആയിരുന്നു സര്ക്കാരിന്റെ നിലപാട്. എന്നാല് അക്കാര്യം നിയമത്തില് വ്യക്തമായി രേഖപ്പെടുത്തണമെന്ന കര്ഷകരുടെ ആവശ്യത്തിനു മുന്പില് സര്ക്കാര് വഴങ്ങിയില്ല.
ഏഴുമണിക്കൂറിലധികം നീണ്ട നാലാം റൗണ്ട് ചർച്ചയില് കര്ഷകരുടെ വാദങ്ങള് വിശദമായി കേള്ക്കാന് സര്ക്കാര് തയ്യാറായി എന്നത് സര്ക്കാര് അയയുന്നു എന്നതിന്റെ സൂചനയാണ് നാല്പ്പതില് പരം നിര്ദ്ദേശങ്ങല് അക്കമിട്ട് നിരത്തിയാണ് കര്ഷകര് വിജ്ഞാന് ഭവനില് 11മണിയോടെ ചര്ച്ചക്കെത്തിയത്. വിവാദമായ കാർഷിക പരിഷ്കരണ നിയമങ്ങളിൽ എട്ട് ഭേദഗതികൾ പരിഗണിക്കാൻ കേന്ദ്രമന്ത്രിമാർ സമ്മതിച്ചെങ്കിലും മൂന്ന് പുതിയ നിയമങ്ങളും പൂർണ്ണമായും റദ്ദാക്കണമെന്ന ആവശ്യത്തിൽ കർഷക നേതാക്കൾ ഉറച്ചുനിന്നു. എന്നാല്, നിയമങ്ങളുടെ പരിമിതമായ പുനരവലോകനങ്ങൾക്ക് മാത്രമാണ് കേന്ദ്ര സര്ക്കാര് തയ്യാറായത്. ഇതോടെ ചര്ച്ച വഴിമുട്ടി. മധ്യഹ്ന ഭക്ഷണത്തിന് കര്ഷകരെ ക്ഷണിച്ചുവെങ്കിലും സര്ക്കാര് ക്ഷണം സ്വീകരിക്കുവാന് കര്ഷകര് തയ്യാറായില്ല.
