അൽ-ഖ്വയ്ദയുമായി ബന്ധമുള്ള നാല് ഭീകരരെ ഗുജറാത്ത് ഭീകരവിരുദ്ധ സ്ക്വാഡ് അറസ്റ്റ് ചെയ്തു.
വ്യാജ കറൻസി റാക്കറ്റ് നടത്തുകയും ആഗോള ഭീകര സംഘടനയുടെ പ്രത്യയശാസ്ത്രം പ്രചരിപ്പിക്കുകയും ചെയ്ത അൽ-ഖ്വയ്ദയുമായി ബന്ധമുള്ള നാല് ഭീകരരെ ഗുജറാത്ത് ഭീകരവിരുദ്ധ സ്ക്വാഡ് (എടിഎസ്) അറസ്റ്റ് ചെയ്തു. ഇവരിൽ ഒരാളെ മറ്റൊരു സംസ്ഥാനത്ത് നിന്നാണ് അറസ്റ്റ് ചെയ്തതെന്ന് എടിഎസ് അറിയിച്ചു. നാലുപേരെയും ചോദ്യം ചെയ്തു വരികയാണ്.
ഭീകരവാദ പ്രതികളായ മുഹമ്മദ് ഫായിഖ്, മുഹമ്മദ് ഫർദീൻ, സെഫുള്ള ഖുറേഷി, സീഷാൻ അലി എന്നിവർ അൽ-ഖ്വയ്ദയുടെ പ്രത്യയശാസ്ത്രം പ്രചരിപ്പിക്കാൻ സോഷ്യൽ മീഡിയ പ്ലാറ്റ്ഫോമുകളും സംശയാസ്പദമായ ആപ്പുകളും ഉപയോഗിച്ചതായും ആശയവിനിമയത്തിന്റെ ഏതെങ്കിലും സൂചനകൾ മായ്ക്കാൻ അവർ ഓട്ടോ-ഡിലീറ്റ് ആപ്പുകൾ ഉപയോഗിച്ചതായി വൃത്തങ്ങൾ അറിയിച്ചു.
പ്രതികൾക്ക് വളരെക്കാലമായി ഭീകര സംഘടനയുമായി ബന്ധമുണ്ടെന്ന് ഗുജറാത്ത് എടിഎസ് ഉദ്യോഗസ്ഥർ പറഞ്ഞു. സോഷ്യൽ മീഡിയ പ്ലാറ്റ്ഫോമുകളിൽ അവർ അൽ-ഖ്വയ്ദയുമായി ബന്ധപ്പെട്ട് സംസ്ഥാനത്തെ ഭീകര പ്രവർത്തനങ്ങളെക്കുറിച്ച് ചർച്ച ചെയ്തതായി കണ്ടെത്തിയതിനെത്തുടർന്ന് നാലുപേരും എടിഎസ് നിരീക്ഷണത്തില് ആണ്. അവരുടെ ചാറ്റുകളും സോഷ്യൽ മീഡിയ ഹാൻഡിലുകളും വിശകലനം ചെയ്യുകയാണെന്ന് ഗുജറാത്ത് എടിഎസ് പറഞ്ഞു.
