സിപിഐ,എൻസിപി, തൃണമൂൽ കോൺഗ്രസ് എന്നിവ പ്രാദേശിക പാർട്ടികള്. എഎപിക്ക് ദേശീയ പദവി.
തിരഞ്ഞെടുപ്പു കമ്മീഷന്റെ പുതിയ ഉത്തരവ് പ്രകാരം സിപിഐ, എൻസിപി, തൃണമൂൽ കോൺഗ്രസ് പാർട്ടികളുടെ ദേശീയ പദവിയാണ് നഷ്ടമായി. എന്നാൽ ആം ആദ്മി പാർട്ടിക്ക് പുതുതായി ദേശീയ പാർട്ടി എന്ന് പദവിയിലേക്ക് ഉയർത്തപ്പെട്ടു. ഡല്ഹി, ഗോവ, പഞ്ചാബ്, ഗുജറാത്ത് എന്നിവിടങ്ങളിലെ തിരഞ്ഞെടുപ്പ് പ്രകടനത്തിന്റെ അടിസ്ഥാനത്തിലാണ് എ.എ.പി. ദേശീയപാര്ട്ടി പദവിയ്ക്ക് അര്ഹത നേടിയത്. നിലവില് ആറ് ദേശീയ പാര്ട്ടികളാണ് രാജ്യത്തുള്ളത്. ബി.ജെ.പി., കോണ്ഗ്രസ്, സി.പി.എം., ബി.എസ്.പി., നാഷണല് പീപ്പിള്സ് പാര്ട്ടി, എ.എ.പി. എന്നിവയാണത്.
എന്നാൽ സി പി ഐ ആകട്ടെ ഒരു സംസ്ഥാനത്തും ഭരണത്തിന് നേതൃത്വം നൽകുന്നില്ല. കേരളത്തിലടക്കം ഭരണ മുന്നണിയുടെ ഭാഗമാണ് സി പി ഐ. തൃണമൂൽ കോൺഗ്രസ് പശ്ചിമ ബംഗാളിൽ ഭരണം നയിക്കുന്ന പാർട്ടിയാണ്. എൻസിപി യാകട്ടെ മഹാരാഷ്ട്രയിൽ നേരത്തെ ഭരണ മുന്നണിയുടെ ഭാഗമായിരുന്നു. എന്നാൽ ഷിൻഡെ – ബി ജെ പി സർക്കാർ അധികാരത്തിലേറിയതോടെ എൻ സി പി പ്രതിപക്ഷത്തായിരുന്നു.
ഒരു രാഷ്ട്രീയ പാര്ട്ടി ദേശീയ പാര്ട്ടിയായി അംഗീകരിക്കപ്പെടണമെങ്കില് നാലോ അതില് അധികമോ സംസ്ഥാനങ്ങളില് സംസ്ഥാന പാര്ട്ടിയായി അംഗീകരിക്കപ്പെടുകയോ അല്ലെങ്കില് ലോക്സഭയില് രണ്ട് ശതമാനം സീറ്റുകള് നേടുകയോ ചെയ്യണമെന്നാണ് ചട്ടം. ഒരു പാര്ട്ടിക്ക് ദേശീയ പാര്ട്ടി പദവി നഷ്ടപ്പെട്ടാല്, അതിന് അംഗീകാരം ലഭിക്കാത്ത സംസ്ഥാനങ്ങളില് തിരഞ്ഞെടുപ്പില് സ്ഥാനാര്ഥികള്ക്കെല്ലാം പൊതുചിഹ്നം അനുവദിക്കപ്പെടില്ല.
