താല്ക്കാലിക ജീവനക്കാരെ സ്ഥിരപ്പെടുത്തുന്ന സര്ക്കാര് നീക്കത്തിന് തിരിച്ചടി
സ്വയംഭരണ സ്ഥാപനങ്ങളിലെ താത്ക്കാലികക്കാരെ സ്ഥിരപ്പെടുത്തുന്ന സർക്കാർ നടപടികള് ഹൈക്കോടതി മരവിപ്പിച്ചു. ഇതുവരെ പൂർത്തീകരിക്കാത്ത നിയമനങ്ങള് മരവിപ്പിക്കാനാണ് ജസ്റ്റിസ് ദേവന് രാമചന്ദ്രന് അദ്ധ്യക്ഷനായ ഹൈക്കോടതി സിംഗിള് ബെഞ്ച് ഉത്തരവ്. കില, വനിതാ കമ്മീഷൻ, കെൽട്രോൺ, കെ ബിപ്, എഫ്ഐടി തുടങ്ങി പത്തോളം പൊതുമേഖലാ സ്ഥാപനങ്ങളിലെ താത്കാലിക ജീവനക്കാരെ സ്ഥിരപ്പെടുത്താനുള്ള നടപടികളാണ് ഹൈക്കോടതി മരവിപ്പിച്ചത്. സ്ഥിരപ്പെടുത്തൽ ഉത്തരവ് പുറപ്പെടുവിച്ച സ്ഥാപനങ്ങൾ ഇന്നത്തെ തൽസ്ഥിതി തുടരണമെന്നും കോടതി വ്യക്തമാക്കി. 12ാം തീയതി കോടതി ഹര്ജിയില് വിശദമായ വാദം കേള്ക്കും. അതുവരെ തുടര്നടപടികള് പാടില്ലെന്നാണ് ഹൈക്കോടതി വ്യക്തമാക്കി. പി.എസ്.സി റാങ്ക് ഹോള്ഡേഴ്സിന്റേതടക്കം ആറ് ഹര്ജികളാണ് കോടതി പരിഗണിച്ചാണ് ഉത്തരരവിറക്കിയത്.
