യുഎപിഎ കേസില് താഹ ഫസലിന്റെ ജാമ്യം ഹൈക്കോടതി റദ്ദാക്കി
പന്തീരാങ്കാവ് യുഎപിഎ കേസില് താഹ ഫസലിന്റെ ജാമ്യം ഹൈക്കോടതി റദ്ദാക്കി. താഹയോട് ഉടന് കീഴടങ്ങാന് കോടതി ഉത്തരവിട്ടു. അതേ സമയം അലന് ഷുഹൈബിന്റെ ജാമ്യം കോടതി റദ്ദാക്കിയിട്ടില്ല. പ്രായവും, തുടര്പഠനവും ചികിത്സയും കണക്കിലെടുത്താണ് അലന്റെ ജാമ്യം റദ്ദാക്കാതിരുന്നത്. ഇരുവരുടേയും ജാമ്യം റദ്ദാക്കണമെന്നാവശ്യപ്പെട്ട് എന്ഐഎ സമര്പ്പിച്ച അപ്പീലിലാണ് നടപടി. തെളിവുകള് പരിശോധിക്കാതെയാണ് പ്രതികള്ക്ക് ജാമ്യം അനുവദിച്ചത് എന്നായിരുന്നു എന്ഐഎയുടെ വാദം.