പുതിയ എട്ട് റെയിൽവേ പദ്ധതികൾക്ക് അംഗീകാരം.

പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ചേർന്ന സാമ്പത്തിക കാര്യ കാബിനറ്റ് കമ്മിറ്റി 24,657 കോടി രൂപയുടെ എട്ട് റെയിൽവേ പദ്ധതികൾക്ക് അംഗീകാരം നൽകിയതായി റെയിൽവേ മന്ത്രി അശ്വിനി വൈഷ്ണവ് അറിയിച്ചു.

ഈ എട്ട് റെയിൽവേ ലൈനുകളിൽ നാലെണ്ണം, ഗുണുപൂർ-തെരുബാലി (പുതിയ ലൈൻ), ജുനഗർ-നബ്രംഗ്പൂർ, ബദാംപഹാർ കന്ദുജാർഗഡ്, ബംഗ്രിപോസി ഗോരുമാഹിസാനി എന്നിവ ഒഡീഷയിലാണ്, ഒന്ന്, അതായത്, മൽക്കൻഗിരി പാണ്ഡുരംഗപുരം (ഭദ്രാചലം വഴി) ഒഡീഷ, ആന്ധ്രാപ്രദേശ്, തെലങ്കാന എന്നീ മൂന്ന് സംസ്ഥാനങ്ങളിലായി വ്യാപിച്ചുകിടക്കുന്നു. ജാർഖണ്ഡ്, പശ്ചിമ ബംഗാൾ, ഒഡീഷ എന്നിവയെ ഉൾക്കൊള്ളുന്നതാണ് ബുരാമറയ്ക്കും ചകുലിയയ്ക്കും ഇടയിലുള്ള റെയിൽവേ ലൈൻ. മറ്റ് രണ്ട് പുതിയ ലൈനുകൾ ജൽന ജൽഗാവ്, ബിക്രംശില കതാരേ എന്നിവ യഥാക്രമം മഹാരാഷ്ട്രയിലും ബിഹാറിലുമാണ്.

പുതിയ ലൈൻ പദ്ധതികള്‍ ഉള്‍നാടന്‍ ഗ്രാമീണ മേഖലകള്‍ക്ക് നഗരങ്ങളുമായി നേരിട്ടുള്ള കണക്റ്റിവിറ്റി നൽകുകയും മൊബിലിറ്റി മെച്ചപ്പെടുത്തുകയും ചെയ്യുമെന്നും ഇത് ഇന്ത്യൻ റെയിൽവേയ്ക്ക് മെച്ചപ്പെട്ട കാര്യക്ഷമതയും സേവന വിശ്വാസ്യതയും നൽകുകയും ചെയ്യുമെന്ന് വൈഷ്ണവ് പത്രസമ്മേളനത്തിൽ പറഞ്ഞു.

ഒഡീഷ, മഹാരാഷ്ട്ര, ആന്ധ്രാപ്രദേശ്, ജാർഖണ്ഡ്, ബിഹാർ, തെലങ്കാന, പശ്ചിമ ബംഗാൾ തുടങ്ങിയ ഏഴ് സംസ്ഥാനങ്ങളിലെ 14 ജില്ലകൾ ഉൾക്കൊള്ളുന്ന പുതിയ ഈ എട്ട് പദ്ധതികൾ നടപ്പിലാകുന്നതോടെ ഇന്ത്യൻ റെയിൽവേയുടെ നിലവിലുള്ള ശൃംഖല 900 കിലോമീറ്റർ വർധിപ്പിക്കുമെന്ന് ഈ പദ്ധതികളുടെ വിശദാംശങ്ങൾ നൽകുന്ന സർക്കാർ പത്രക്കുറിപ്പിൽ പറയുന്നു. .

“ഈ പദ്ധതികൾക്കൊപ്പം 64 പുതിയ സ്റ്റേഷനുകൾ നിർമ്മിക്കും, അവകിസിത ജില്ലകൾ ആയ കിഴക്കൻ സിംഗ്ബം, ഭദാദ്രി കോതഗുഡെം, മൽക്കൻഗിരി, കലഹണ്ടി, നബരംഗ്പൂർ, രായഗഡ എന്നീ ആറ് ജില്ലകളിലായിരിക്കും അവ നിര്‍മ്മിക്കുക. ഇതോടെ ഏകദേശം 510 ഗ്രാമങ്ങളിലായി, ഏകദേശം 40 ലക്ഷം ജനങ്ങളിലേക്ക് കണക്റ്റിവിറ്റി വർദ്ധിപ്പിക്കും. യുനെസ്‌കോയുടെ ലോക പൈതൃക സൈറ്റായ അജന്ത ഗുഹകൾ ഇന്ത്യൻ റെയിൽവേ നെറ്റ്‌വർക്കുമായി ബന്ധിപ്പിച്ച് ധാരാളം വിനോദസഞ്ചാരികളെ സുഗമമാക്കും,” പ്രസ്താവനയില്‍ പറയുന്നു.

കാർഷികോൽപ്പന്നങ്ങൾ, വളം, കൽക്കരി, ഇരുമ്പയിര്, സ്റ്റീൽ, സിമൻ്റ്, ബോക്‌സൈറ്റ്, ചുണ്ണാമ്പുകല്ല്, അലുമിനിയം പൊടി, ഗ്രാനൈറ്റ്, ബാലസ്റ്റ്, കണ്ടെയ്‌നറുകൾ തുടങ്ങിയ ചരക്കുകളുടെ ഗതാഗതത്തിന് അവശ്യ പാതകളാണിവയെന്ന് സർക്കാർ പറയുന്നു. ചരക്ക് നീക്കങ്ങളുടെ നേട്ടങ്ങൾ എടുത്തുകാട്ടി, “ശേഷി വർധിപ്പിക്കൽ പ്രവർത്തനങ്ങൾ 143 MTPA (പ്രതിവർഷം ദശലക്ഷം ടൺ) അധിക ചരക്ക് ഗതാഗതത്തിന് കാരണമാകും

പരിസ്ഥിതി സൗഹൃദവും ഊർജ കാര്യക്ഷമവുമായ ഗതാഗതമാർഗമായ റെയിൽവേ, കാലാവസ്ഥാ ലക്ഷ്യങ്ങൾ കൈവരിക്കുന്നതിനും രാജ്യത്തിൻ്റെ ലോജിസ്റ്റിക്‌സ് ചെലവ് കുറയ്ക്കുന്നതിനും എണ്ണ ഇറക്കുമതി (32.20 കോടി ലിറ്റർ), തോട്ടങ്ങൾക്ക് തുല്യമായ CO2 ഉദ്‌വമനം (0.87 ദശലക്ഷം ടൺ) കുറയ്ക്കുന്നതിനും സഹായിക്കും.