സീറ്റ് നിഷേധിച്ചതിൻ്റെ പേരിൽ തമിഴ്‌നാട് എംപി ആത്മഹത്യ ചെയ്തു.

ലോക്‌സഭാ തെരഞ്ഞെടുപ്പിൽ മത്സരിക്കാൻ എംഡിഎംകെ പാർട്ടി ടിക്കറ്റ് നിഷേധിച്ചതിനെ തുടർന്ന് വിഷം കഴിച്ച ഈറോഡ് എംപി എ ഗണേശ മൂർത്തി വ്യാഴാഴ്ച മരിച്ചു. ഇക്കുറി മത്സരിക്കുവാന്‍ സീറ്റുലഭിക്കല്ല എന്നറിഞ്ഞ അദ്ദേഹം ഏതാനും ദിവസങ്ങള്‍ക്ക് മുന്പ് കീടനാശിനി കഴിച്ച് ആത്മഹത്യയ്ക്ക് ശ്രമിച്ചതായി കുടുംബം പറഞ്ഞിരുന്നു. തുടര്‍ന്ന് കോവൈ മെഡിക്കൽ സെൻ്റർ ആൻഡ് ഹോസ്പിറ്റലില്‍ (കെഎംസിഎച്ച്) പ്രവേശിപ്പിച്ച അദ്ദേഹം വ്യാഴാഴ്ച പുലർച്ചെ 5.05ന് ഹൃദയസ്തംഭനം മൂലമാണ് മരിച്ചത്. മൃതദേഹം പോസ്റ്റ്‌മോർട്ടത്തിനായി ഈറോഡിലെ പെരുന്തുരയിലെ സർക്കാർ ആശുപത്രിയിലേക്ക് അയച്ചു.

എംഡിഎംകെയിലെ മുതിർന്ന നേതാക്കളിലൊരാളായ ഗണേശമൂർത്തി 2019ലെ പൊതുതെരഞ്ഞെടുപ്പിൽ ഡിഎംകെയുടെ ഉദയസൂര്യൻ ചിഹ്നത്തിൽ ഈറോഡ് പാർലമെൻ്റ് സീറ്റിൽ മത്സരിച്ച് വിജയിക്കുകയായിരുന്നു. വരാനിരിക്കുന്ന തെരഞ്ഞെടുപ്പിൽ പാർട്ടി അദ്ദേഹത്തെ തഴഞ്ഞതിനെ തുടർന്ന് അദ്ദേഹം വിഷാദത്തിലായിരുന്നുവെന്നാണ് റിപ്പോർട്ട്.
കടുത്ത സമ്മർദ്ദത്തിലായ ഗണേശമൂർത്തി ഞായറാഴ്ച (മാർച്ച് 24) ഈറോഡിലെ വസതിയിൽ കീടനാശിനി കഴിച്ചു, തുടർന്ന് സ്വകാര്യ ആശുപത്രിയിൽ പ്രവേശിപ്പിച്ചു. പ്രാഥമിക ശുശ്രൂഷ നൽകി പിന്നീട് കെഎംസിഎച്ചിലേക്ക് മാറ്റുകയായിരുന്നു.