നാളെയും മറ്റന്നാളും ലോക്ഡൗണിന് സമാനമായ നിയന്ത്രണങ്ങൾ…
സ്ഥാനത്ത് നാളെയും മറ്റന്നാളും ലോക്ഡൗണിന് സമാനമായ നിയന്ത്രണങ്ങൾ ആണ് ഉണ്ടാവുക. അവശ്യ സര്വീസുകള്ക്ക് മാത്രമായിരിക്കും പ്രവര്ത്തനാനുമതി. ഈ ദിവസങ്ങളില് അനാവശ്യമായ യാത്രകളും പരിപാടികളും അനുവദിക്കില്ല. എന്നാല് നേരത്തെ നിശ്ചയിച്ച വിവാഹങ്ങള് നടത്താം. ഹാളുകള്ക്കുളളില് പരമാവധി 75 പേര്ക്കും തുറസായ സ്ഥലങ്ങളില് 150 പേര്ക്കും മാത്രമായിരിക്കും പ്രവേശനം. വിവാഹ ചടങ്ങുകളില് പങ്കെടുക്കാന് പോകുന്നവര് യാത്ര ചെയ്യുമ്പോള് തിരിച്ചറിയല് കാര്ഡും ക്ഷണക്കത്തും കരുതണം. മരണാനന്തരചടങ്ങുകള്ക്ക് പരമാവധി 50 പേര്ക്ക് പങ്കെടുക്കാം.
വിവാഹം, മരണം മുതലായ ചടങ്ങുകള്, ഏറ്റവും അടുത്ത ബന്ധുവായ രോഗിയെ സന്ദര്ശിക്കല്, മരുന്ന്, ഭക്ഷണം എന്നിവയ്ക്കായി യാത്ര ചെയ്യാന് അനുവാദമുണ്ട്. എന്നാല് ഇവര് സ്വന്തമായി തയ്യാറാക്കിയ സത്യപ്രസ്താവന കൈയ്യില് കരുതണം. ഹോട്ടലുകള്ക്കും റെസ്റ്റോറന്റുകള്ക്കും ഹോം ഡെലിവറി നടത്താം. വളരെ അത്യാവശ്യഘട്ടങ്ങളില് പൊതുജനത്തിന് ഹോട്ടലുകളില് പോയി ഭക്ഷണം വാങ്ങാവുന്നതാണ്. ഇതിനായി സത്യപ്രസ്താവന കൈയ്യില് കരുതിയിരിക്കണം. കോവിഡ് നിയന്ത്രണങ്ങള് കര്ശനമായി പാലിച്ച് വീടുകളില് മത്സ്യം എത്തിച്ച് വില്പ്പന നടത്തുന്നതിന് തടസമില്ല.
ടെലികോം, ഐ.ടി., ആശുപത്രികള്, മാധ്യമ സ്ഥാപനങ്ങള്, പാല്, പത്രവിതരണം, ജലവിതരണം, വൈദ്യുതി എന്നിവയുമായി ബന്ധപ്പെട്ട സ്ഥാപനങ്ങള് പ്രവര്ത്തിക്കും. നാളത്തെ ഹയര്സെക്കന്ററി പരീക്ഷകള് മുന് നിശ്ചയപ്രകാരം നടക്കും. അതുമായി ബന്ധപ്പെട്ട് അധ്യാപകര്ക്കും കുട്ടികള്ക്കും യാത്ര ചെയ്യാന് അനുവാദമുണ്ട്. പരീക്ഷാകേന്ദ്രങ്ങളില് കുട്ടികളെ എത്തിക്കുന്ന രക്ഷകര്ത്താക്കള് അവിടെ കൂട്ടംകൂടി നില്ക്കാതെ ഉടന് മടങ്ങണം.
മലയാളം
English
हिन्दी
ಕನ್ನಡ
தமிழ்