ശബരിമല: സുപ്രീംകോടതി ഇന്ന് പരിഗണിക്കും
ശബരിമല യുവതീപ്രവേശനവുമായി ബന്ധപ്പെട്ട എല്ലാ ഹര്ജികളും സുപ്രീംകോടതി ഇന്ന് (ബുധനാഴ്ച) പരിഗണിക്കും. ചീഫ് ജസ്റ്റിസ് രഞ്ജന് ഗൊഗോയ് അധ്യക്ഷനായ ബെഞ്ചാണ് എല്ലാ ഹര്ജികളും പരിഗണിക്കുന്നത്. ഈ ഹര്ജികളെല്ലാം ആദ്യമായാണ് പരിഗണനയ്ക്ക് വരുന്നതെന്നതിനാല് ഹര്ജികള് സ്വീരിക്കണമോ അതോ തള്ളണമോ എന്നായിരിക്കും കോടതി ആദ്യം പരിഗണിക്കുക. ഹര്ജി സ്വീകരിക്കുകയാണെങ്കില് എതിര്കക്ഷികള്ക്ക് നോട്ടീസ് അയക്കാന് ഉത്തരവിടുകയും തുടര്വാദത്തിനായി മറ്റൊരു ദിവസത്തേക്ക് മാറ്റിവെയ്ക്കുകയും ചെയ്യും.
65 ഹര്ജികളാണ് സുപ്രീംകോടതി യുടെ പരിഗണനക്ക് വരുന്നത്. ഇതില് 55 എണ്ണം പുന:പരിശോധന ഹര്ജികളും അഞ്ചെണ്ണം റിട്ട് ഹര്ജികളുമാണ്. രണ്ട് ട്രാന്സ്ഫര് ഹര്ജികളും രണ്ട് പ്രത്യേക അനുമതി ഹര്ജികളും ദേവസ്വം ബോര്ഡിന്റെ സാവകാശ അപേക്ഷയും ബുധനാഴ്ചയിലെ പരിഗണനാ ലിസ്റ്റിലുണ്ട്. എന്നാല് ശബരിമല വിഷയത്തിന്റെ പേരില് സമര്പ്പിച്ചിട്ടുള്ള കോടതിയലക്ഷ്യ ഹര്ജികള് സുപ്രീം കോടതി ഇന്ന് പരിഗണിക്കുകയില്ല.
