കേരളം, മഹാരാഷ്ട്ര എന്നീ സംസ്ഥാനങ്ങളില് നിന്നു വരുന്നവര്ക്ക് ആര്ടിപിസിആര് സര്ട്ടിഫിക്കറ്റ് നിര്ബന്ധമാക്കി കര്ണാടക
കേരളം, മഹാരാഷ്ട്ര എന്നീ സംസ്ഥാനങ്ങളില് നിന്നു കര്ണാടകത്തില്ലേക്ക് വരുന്ന യാത്രക്കാര്ക്ക് കൂടുതല് നിയനന്ത്രണം ഏര്പ്പെടുത്തി കര്ണാടക സര്ക്കാര്. ഈ സംസ്ഥാനങ്ങളില് നിന്ന് വരുന്നവര് 72 മണിക്കൂറില് കൂടാത്ത നെഗറ്റീവ് ആര്ടി-പിസിആര് സര്ട്ടിഫിക്കറ്റ് നിര്ബന്ധമായും ഹാജരാക്കണമെന്നാണ് കര്ണാടക പുറത്തിറക്കിയ പുതിയ ഉത്തരവില് പറയുന്നത്. കേരളത്തില് നിന്ന് വരുന്നവര് ഹോട്ടലുകള്, റിസോര്ട്ടുകള്, ഡോര്മെറ്ററികള്, ഹോസ്റ്റലുകള്, ഹോംസ്റ്റേകള് എന്നിവടങ്ങളില് തങ്ങുന്നുണ്ടെങ്കില് 72 മണിക്കൂറില് കവിയാത്ത ആര്ടി-പിസിആര് പരിശോധന ഫലം ഹാജരാക്കേണ്ടി വരും. കഴിഞ്ഞ രണ്ടാഴ്ചക്കുള്ളില് കേരളത്തില് നിന്ന് കര്ണാടകയിലെത്തിയവരെ നിര്ബന്ധമായും ആര്ടി-പിസിആര് പരിശോധനയ്ക്ക് വിധേയമാക്കണമെന്നും പുതിയ ഉത്തരവില് പറയുന്നു. ഹോസ്റ്റലുകളില് താമസിക്കുന്ന കേരളത്തില് നിന്നുള്ള വിദ്യാര്ത്ഥികള് അവരുടെ നനാട്ടിലേക്ക് പതിവായി യാത്ര ചെയ്യുന്നത് ഒഴിവാക്കണം. അവര് കേരളത്തില് നിന്ന് മടങ്ങി വരുന്പോഴും ആര്ടി-പിസിആര് പരിശോധനയ്ക്ക് വിധേയമാക്കണമെന്ന് ഉത്തരവില് പറയുന്നു. ബെംഗളൂരുവില് കോവിഡ് ക്ലസ്റ്ററുകള് രൂപപ്പെട്ടതിന് പിന്നാലെയാണ് കര്ണാടക നിയന്ത്രണം ഏര്പ്പെടുത്തിയിരിക്കുന്നത്.
