കർണാടകയിൽ സമ്പൂർണ ലോക്ക്ഡൗൺ.

Print Friendly, PDF & Email

കർണാടകയിൽ സമ്പൂർണ ലോക്ക്ഡൗൺ. ഇന്നു മുതൽ 14 ദിവസത്തേക്കാണ് സമ്പൂർണ ലോക്ക്ഡൗൺ. ഇന്നലെ ചേർന്ന മന്ത്രിസഭാ യോഗത്തിലാണ് ലോക്ക്ഡൗണിലേക്ക് കടക്കാൻ തീരുമാനമായത്. ഇന്ന് രാത്രി 9 മണി മുതൽ ലോക്ക്ഡൗൺ പ്രാബല്യത്തിൽ വരും. അവശ്യ സർവീസുകൾക്ക് മാത്രമേ അനുവദിക്കുകയുള്ളു. രാവിലെ 6 മണി മുതൽ 10 മണി വരെ 4 മണിക്കൂര്‍ മാത്രമേ അവശ്യസർവീസുകൾ അനുവദിക്കുകയുള്ളു. പൊതുഗതാഗതം അനുവദിക്കില്ല. മെട്രോ സര്‍വ്വീസ് ഉണ്ടാവില്ല. നിർമ്മാണം, കാർഷികമേഖല എന്നിവയ്ക്ക് ഇളവുണ്ട്.

ഇന്നലെ മാത്രം കർണാടകയിൽ 34,804 കൊവിഡ് കേസുകളാണ് റിപ്പോർട്ട് ചെയ്തത്. ഇതോടെ ആകെ കൊവിഡ് ബാധിതരുടെ എണ്ണം 13.39 ലക്ഷമായി. ബെം​ഗളൂരുവിലെ ഐടി ഹബ്ബിൽ മാത്രം 20,000 കേസുകളാണ് റിപ്പോർട്ട് ചെയ്തത്.

കർണാടകയിൽ 18 വയസിനും 44 വയസിനും ഇടയിലുള്ളവർക്ക് സർക്കാർ ആശുപത്രിയിൽ സൗജന്യമായി വാക്സിൻ നൽകുമെന്ന് മുഖ്യമന്ത്രി പ്രഖ്യാപിച്ചിരുന്നു. 45 വയസിന് മുകളിലുള്ളവർക്ക് വാക്സിൻ പൂർണമായും സൗജന്യമായിരിക്കും.

  •  
  •  
  •  
  •  
  •  
  •  
  •