വയനാട്ടില് വിനോദസഞ്ചാരത്തിനെത്തിയ യുവതി കാട്ടാനായുടെ ആക്രമണത്തില് മരിച്ചു.
വയനാട്ടില് വിനോദസഞ്ചാരത്തിനെത്തിയ യുവതി കാട്ടാനായുടെ ആക്രമണത്തില് മരിച്ചു. കണ്ണൂര് ചേലേരി സ്വദേശി ഷഹാന സത്താര് (26) ആണ് മരിച്ചത്. മേപ്പാടി എളമ്പിലേരിയില് എളമ്പിലേരിയില് റെയിന് ഫോറസ്റ്റ് റിസോര്ട്ടിലെ ടെന്റിലെ താമസിക്കുമ്പോഴാണ് കാട്ടാന അക്രമിച്ചത്. പേരാമ്പ്രയിലെ ദാറു നുജൂം കോളജ് ഓഫ് ആര്ട്സ് ആന്റ് സയന്സിലെ സൈക്കോളജി വിഭാഗം അധ്യാപികയാണ് മരിച്ച ഷഹാന. ചേലേരി കാരയാപ്പില് കല്ലറപുരയില് പരേതനായ സത്താറിന്റെയും ആയിഷയുടെയും മകളാണ്. സഹോദരങ്ങള്: ലുഖ്മാന്, ഹിലാല്, ഡോ. ദില്ഷാദ് ഷഹാന.
ശനിയാഴ്ച രാത്രി ഏഴോടെയായിരുന്നു സംഭവം. മേപ്പാടി എളമ്പിലേരിയിലെ സ്വകാര്യ റിസോര്ട്ടില് ടെന്റില് താമസിക്കുന്നതിനിടെയാണ് കാട്ടാന ആക്രമിച്ചത്. ശുചിമുറിയില് പോയി മടങ്ങുമ്പോള് ആനയുടെ ചിഹ്നം വിളികേട്ട് ഓടുമ്പോള് തട്ടിവീഴുകയായിരുന്നു എന്നാണ് പറയപ്പെടുന്നത്. പിന്നാലെ എത്തിയ ആനയുടെ ചവിട്ടേറ്റാണ് മരണം എന്നാണ് പ്രാഥമിക വിവരം. ഉടനെ വിംസ് മെഡിക്കൽ കോളജിലെത്തിച്ചെങ്കിലും ജീവൻ രക്ഷിക്കാനായില്ല. ഇന്ന് പോസ്റ്റ്മോര്ട്ടത്തിന് ശേഷം ഷഹാനയുടെ മൃതദേഹം ബന്ധുക്കള്ക്ക് വിട്ട് നല്കും. സംഭവത്തില് സുരക്ഷാ വീഴ്ചയെക്കുരിച്ച് വയനാട് ജില്ലാ കളക്ടര് അദീല അബ്ദുള്ള അന്വേഷണം പ്രഖ്യാപിച്ചിരിക്കുകയാണ്.
