മലയാളത്തിന്‍റെ പ്രിയ കവയിത്രി സുഗതകുമാരിക്ക് വിട…

Print Friendly, PDF & Email

കാടിന്‍റേയും പുഴകളുടെയും മരങ്ങളുടെയും സസ്യങ്ങളുടെയും കിളികളുടെയും സ്‌ത്രൈണതയുമായി മലയാളികളെ മോഹിപ്പിച്ച കവയിത്രി സുഗതകുമാരി (86) അന്തരിച്ചു. കോവിഡ് ബാധിച്ചതിനെ തുടർന്ന് അതീവ ഗുരുതരാവസ്ഥയിൽ തിരുവനന്തപുരം മെഡിക്കൽ കോളേജിൽ ചികിത്സയിലിരിക്കെയാണ് അന്ത്യം. കൊറോണ ബാധയെ തുടർന്ന് ഹൃദയത്തിന്‍റേയും വൃക്കയുടേയും പ്രവർത്തനങ്ങൾ നിലച്ചിരുന്നു.

കേരളത്തിന്‍റെ നിരവധി പ്രശ്‌നങ്ങളില്‍ ശ്രദ്ധാലുവായ പരിസ്ഥിതി, സാമൂഹിക പ്രവര്‍ത്തകയും കൂടിയായിരുന്നു സുഗതകുമാരി. സൈ​ല​ന്‍റ് വാ​ലി പ്ര​ക്ഷോ​ഭ​ത്തി​ൽ സു​ഗ​ത​കു​മാ​രി വ​ലി​യ പ​ങ്കു​വ​ഹി​ച്ചു. പ്രകൃതി സംരക്ഷണ സമിതിയുടെ സ്ഥാപക സെക്രട്ടറി കൂടിയായിരുന്നു ടീച്ചർ.

1934 ജനുവരി 22 ന് പത്തനംതിട്ട ജില്ലയിലെ (Pathanamthitta) ആറന്മുള വാഴുവേലില്‍ തറവാട്ടിലായിരുന്നു സുഗതകുമാരി ജനിച്ചത്. പ്രശസ്ത സംസ്കൃത പണ്ഡിതയായ വി. കെ. കാർത്ത്യായനി ടീച്ചറായിരുന്നു അമ്മ. ആത്മീയതയിലും ബുദ്ധദര്‍ശനങ്ങളിലും കാലൂന്നിയ ശ്രീനാരായണ ഗുരുവിന്റെ അടുത്ത ശിഷ്യനായിരുന്ന ബോധേശ്വരന്‍ ആയിരുന്നു അച്ഛന്‍. ത​ത്ത്വ​ശാ​സ്ത്ര​ത്തി​ലാ​ണ് എം​എ ബി​രു​ദം നേ​ടി​യ​ത്. തി​രു​വ​ന​ന്ത​പു​രം ജ​വ​ഹ​ർ ബാ​ല​ഭ​വ​ന്‍റെ പ്രി​ൻ​സി​പ്പ​ൽ, കു​ട്ടി​ക​ൾ​ക്കു​ള്ള “​ത​ളി​ര്’ മാ​സി​ക​യു​ടെ പ​ത്രാ​ധി​പ, സം​സ്ഥാ​ന വ​നി​താ ക​മ്മീ​ഷ​ൻ അ​ധ്യ​ക്ഷ എ​ന്നീ സ്ഥാ​ന​ങ്ങ​ൾ വ​ഹി​ച്ചു. പ്ര​കൃ​തി​സം​ര​ക്ഷ​ണ​സ​മി​തി​യു​ടെ​യും “​അ​ഭ​യ’​യു​ടെ​യും സ്ഥാ​പ​ക സെ​ക്ര​ട്ട​റി​യു​മാ​യി​രു​ന്നു. അഗതികളായ സ്ത്രീകള്‍ക്കുവേണ്ടി അത്താണി എന്ന ഭവനം, മാനസിക രോഗികള്‍ക്കുവേണ്ടി പരിചരണാലയം എന്നിങ്ങനെ കേരളത്തിന്റെ സാമൂഹിക രംഗത്ത് ടീച്ചറിന്റെ സംഭാവന വളരെ വലുതാണ്.

2006-ൽ ​രാ​ജ്യം പ​ത്മ​ശ്രീ ന​ൽ​കി ആ​ദ​രി​ച്ചു. സാ​ഹി​ത്യ​ത്തി​ലെ സ​മ​ഗ്ര സം​ഭാ​വ​ന​ക​ൾ​ക്ക് ന​ൽ​കു​ന്ന എ​ഴു​ത്ത​ച്ഛ​ൻ പു​ര​സ്കാ​ര​ത്തി​ന് 2009ൽ ​അ​ർ​ഹ​യാ​യി​ട്ടു​ണ്ട്. കൂടാതെ കേന്ദ്ര സാഹിത്യ അക്കാദമി അവാർഡ് , കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ് (പാ​തി​രാ​പ്പൂ​ക്ക​ൾ), സാ​ഹി​ത്യ അ​ക്കാ​ദ​മി അ​വ​ർ​ഡ്, സാ​ഹി​ത്യ പ്ര​വ​ർ​ത്ത​ക അ​വാ​ർ​ഡ് (രാ​ത്രി​മ​ഴ), ഓ​ട​ക്കു​ഴ​ൽ അ​വാ​ർ​ഡ്, ആ​ശാ​ൻ പ്രൈ​സ്, വ​യ​ലാ​ർ അ​വാ​ർ​ഡ് (അ​ന്പ​ല​മ​ണി), ആ​ശാ​ൻ സ്മാ​ര​ക സ​മി​തി (മ​ദ്രാ​സ്) അ​വാ​ർ​ഡ് (കു​റി​ഞ്ഞി​പ്പൂ​ക്ക​ൾ), വി​ശ്വ​ദീ​പം അ​വാ​ർ​ഡ് (തു​ലാ​വ​ർ​ഷ​പ്പ​ച്ച), വ​ള്ള​ത്തോ​ൾ പു​ര​സ്കാ​രം, ബാ​ലാ​മ​ണി​യ​മ്മ പു​ര​സ്കാ​രം, പി. ​കു​ഞ്ഞി​രാ​മ​ൻ നാ​യ​ർ പു​ര​സ്കാ​രം, ബാ​ല​സാ​ഹി​ത്യ​ത്തി​ന്നു​ള്ള സ​മ​ഗ്ര പു​ര​സ്കാ​രം, പ​ന​ന്പി​ള്ളി പ്ര​തി​ഭാ​പു​ര​സ്കാ​രം, സ്ത്രീ​ശ​ക്തി അ​വാ​ർ​ഡ്, സ​ര​സ്വ​തി സ​മ്മാ​ൻ തു​ട​ങ്ങി​യ പു​ര​സ്കാ​ര​ങ്ങ​ൾ​ക്ക് അ​ർ​ഹ​യാ​യി. ബാല സാഹിത്യത്തിന് നൽകിയ സമഗ്രസംഭാവനയ്ക്കുള്ള പുരസ്കാരം തുടങ്ങി നിരവധി പുരസ്ക്കാരങ്ങൾ നൽകി സാഹിത്യലോകം കവയിത്രിയെ ആദരിച്ചിട്ടുണ്ട്.

കവിതകളായ അ​ന്പ​ല​മ​ണി, കു​റി​ഞ്ഞി​പ്പൂ​ക്ക​ൾ, രാ​ത്രി​മ​ഴ, രാ​ധ​യെ​വി​ടെ?, ദേ​വ​ദാ​സി, കൃ​ഷ്ണ​ക​വി​ത​ക​ൾ, മ​ണ​ലെ​ഴു​ത്ത്, സു​ഗ​ത​കു​മാ​രി​യു​ടെ ക​വി​ത​ക​ൾ സ​ന്പൂ​ർ​ണം, തു​ലാ​വ​ർ​ഷ​പ്പ​ച്ച, കു​ട​ത്തി​ലെ ക​ട​ൽ, പൂ​വ​ഴി മ​രു​വ​ഴി, സ​ഹ്യ​ഹൃ​ദ​യം ബാ​ല​സാ​ഹി​ത്യ കൃതികളായ വാ​ഴ​ത്തേ​ൻ, ഒ​രു കു​ല പൂ​വും​കൂ​ടി, അ​യ​ല​ത്തു പ​റ​യു​ന്ന ക​ഥ​ക​ൾഉ​പ​ന്യാ​സ സമാഹാരങ്ങളായ കാ​വു തീ​ണ്ട​ല്ലേ, മേ​ഘം വ​ന്നു തൊ​ട്ട​പ്പോ​ൾ, വാ​രി​യെ​ല്ല്, കാ​ടി​നു കാ​വ​ൽ, ഉ​ൾ​ച്ചൂ​ട് തുടങ്ങിയവയാണ് പ്രധാന കൃതികള്‍.

ഭ​ർ​ത്താ​വ്: ഡോ. ​കെ. വേ​ലാ​യു​ധ​ൻ നാ​യ​ർ. മ​ക​ൾ: ല​ക്ഷ്മി. അ​ധ്യാ​പി​കമാരും വി​ദ്യാ​ഭ്യാ​സ​വി​ദ​ഗ്ദ്ധരു​മാ​യ ഹൃ​ദ​യ​കു​മാ​രി, സുജാത ദേവി എന്നിവര്‍ സ​ഹോ​ദ​രിമാരാണ്.

  •  
  •  
  •  
  •  
  •  
  •  
  •