ആള്‍ക്കൂട്ടത്തിനു നേരെ അണുനാശിനി തെളിച്ച് ഉത്തര്‍ പ്രദേശ്

യുപിയിലെ യോഗി ഭരണകൂടം പാര്‍ശ്വ വത്കരിക്കപ്പെട്ടവരെ മനുഷ്യരായി പോലും കാണുന്നില്ലന്നതിന് മറ്റൊരു തെളിവ്. അ​ന്യ​സം​സ്ഥാ​ന​ങ്ങ​ളി​ൽ​നി​ന്ന് സ്വ​ന്തം നാ​ട്ടി​ൽ മ​ട​ങ്ങി​യെ​ത്തി​യ തൊ​ഴി​ലാ​ളി​ക​ളെ നടുറോഡില്‍ കൂട്ടമായി ഇരുത്തി അ​ണു​നാ​ശി​നി ത​ളി​ച്ചാണ് യോഗി ഗവര്‍മ്മെന്‍റ്  തങ്ങളുടെ മനുഷ്യത്വമില്ലായ്മ ഒരിക്കല്‍ കൂടി തെളിയിച്ചിരിക്കുന്നത്. ഉ​ത്ത​ർ​പ്ര​ദേ​ശി​ലെ ബ​റേ​ലി​യി​ലാ​ണ് സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടു​ന്ന സം​ഘ​ത്തെ കൂട്ടമായി റോ​ഡി​ൽ നി​ര​ത്തി​യി​രു​ത്തി​യ​ശേ​ഷം അ​ണു​നാ​ശി​നി ത​ളി​ച്ച​ത്. പോലീസിന്‍റെ സഹായത്തോടെയാണ് കൂട്ടമായുള്ള ഈ അണുനശീകരണ പ്രയോഗം ആരോഗ്യ വകുപ്പ് പ്രവര്‍ത്തകര്‍ നടത്തിയത്. കുട്ടികള്‍ കണ്ണു പൊത്തിപ്പിടിക്കണമെന്നും മൂക്കും വായും മൂടണമെന്നും ആരോഗ്യ വകുപ്പ് പ്രവര്‍ത്തകര്‍ നിര്‍ദ്ദേശിക്കുന്നുണ്ടായിരുന്നു. കൂട്ടമായുള്ള ഈ അണു നാശിനി പ്രയയോഗത്തിനു ശേഷം പലര്‍ക്കും ചൊറിച്ചിലും മറ്റ് ദേഹാശ്വാസ്ത്യവും ഉണ്ടായതായും റിപ്പോര്‍ട്ട് ചെയ്യപ്പെടുന്നു.

അ​ന്യ​സം​സ്ഥാ​ന​ങ്ങ​ളി​ൽ​നി​ന്നും തൊ​ഴി​ലാ​ളി​ക​ൾ​ക്ക് യു​പി​യി​ലേ​ക്ക് വ​രു​ന്ന​തി​നാ​യി സ​ർ​ക്കാ​ർ ബ​സ് സൗ​ക​ര്യം ക​ഴി​ഞ്ഞ ദി​വ​സം ഒ​രു​ക്കി​യി​രു​ന്നു. ഈ ​ബ​സി​ലെ​ത്തി​യ സം​ഘ​ത്തി​നു​നേ​രി​യാ​യി​രു​ന്നു ഭ​ര​ണ​കൂ​ട​ത്തി​ന്‍റെ അ​തി​ക്ര​മം. ഭരണകൂടത്തിന്‍റെ നടപടി വലിയ വിവാദങ്ങളാണ് സൃഷ്ടിച്ചിരിക്കുന്നത്.

എന്നാൽ ക്ലോ​റി​ൻ ക​ല​ക്കി​യ വെ​ള്ള​മാ​ണ് ത​ളി​ച്ച​തെ​ന്ന വി​ശ​ദീ​ക​ര​ണ​വു​മാ​യി ജി​ല്ലാ ഭ​ര​ണ​കൂ​ടം രം​ഗ​ത്തെ​ത്തി. ഇ​ത് മ​നു​ഷ്യ​ത്വ​ര​ഹി​ത ന​ട​പ​ടി അ​ല്ല. ആ​ളു​ക​ൾ കൂ​ട്ട​മാ​യി എ​ത്തി​യ​തി​നാ​ൽ അ​ണു​വി​മു​ക്ത​രാ​ക്കേ​ണ്ട​ത് അ​നി​വാ​ര്യ​മാ​യിരുന്നു എന്നാണ് ഉ​ദ്യോ​ഗ​സ്ഥ​ർ ഇതിനു പറയുന്ന ന്യായീകരണം.

ദയവു ചെയ്ത് ഇത്തരം മനുഷ്യത്വ രഹിതമായ കാര്യങ്ങള്‍ ചെയ്യരുതെന്ന് എ​ഐ​സി​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി ആവശ്യപ്പെട്ടു. ഈ ​തൊ​ഴി​ലാ​ളി​ക​ൾ ഒ​രു​പാ​ട് സ​ഹി​ച്ച​വ​രാ​ണ്. അ​വ​രു​ടെ മേ​ൽ രാ​സ​വ​സ്തു​ക്ക​ൾ ത​ളി​ക്ക​രു​ത്. അ​ത് അ​വ​രു​ടെ ആ​രോ​ഗ്യ​ത്തെ ന​ശി​പ്പി​ക്കു​ക​യേ ഉ​ള്ളൂ​വെ​ന്നും പ്രി​യ​ങ്ക ട്വി​റ്റ് ചെ​യ്തു. ഞെ​ട്ടി​പ്പി​ക്കു​ന്ന ന​ട​പ​ടി​യാണിതെന്നായിരുന്നു യുപി മുന്‍ മുഖ്യമന്ത്രി അഖിലേഷ് യാദവിന്‍റെ പ്രതികരണം. ഇക്കാര്യത്തില്‍ ദേശീയ മനുഷ്യാവകാശ കമ്മീഷന്‍ അന്വേഷണത്തിന് ഉത്തരവ് പുറപ്പെടുവിച്ചിട്ടുണ്ട്.