കൂടത്തായി കൂട്ടമരണത്തില്‍ ദുരൂഹതകള്‍ ഏറുന്നു…

Print Friendly, PDF & Email

കൂടത്തായി കൂട്ടമരണത്തില്‍ ദുരൂഹതകള്‍ ഏറുന്നു. കേരളത്തില്‍ ഇന്നുവരെ കേട്ടുകേള്‍വി പോലുമില്ലാത്ത ആസൂത്രിത കൊലപാതക പരമ്പരയിലേക്കാം ഒരു പക്ഷെ അന്വേഷണം എത്തിച്ചേരുക. അത്തരം സൂചനകളാണ് അന്വേഷണ ഉദ്യോഗസ്ഥന്മാരില്‍ നിന്ന് ലഭിക്കുന്നത്.

കോഴിക്കോട് കോടഞ്ചേരി മേഖലയിലെ പ്രശസ്ത കുടുംബമാണ് കൂടത്തായിയിലെ പൊന്നാമറ്റം കുടുംബം. ഈ കുടുംബവുമായി ബന്ധപ്പെട്ട 6 പേരാണ് 2002 മുതൽ 2016 വരെ പല സമയത്തായി സമാന സാഹചര്യത്തില്‍ സമാന രീതിയില്‍ മരിക്കുന്നത്. റിട്ട. വിദ്യാഭ്യാസ വകുപ്പ് ഉദ്യോഗസ്ഥന്‍ കൂടത്തായി പൊന്നാമറ്റം ടോം തോമസ് (66), ഭാര്യ റിട്ട. അധ്യാപിക അന്നമ്മ (57), മകന്‍ റോയി തോമസ് (40), ടോം ​തോ​മ​സി​ന്റെ സ​ഹോ​ദ​ര​ന്‍ പു​ലി​ക്ക​യം സ്വ​ദേ​ശി റി​ട്ട. അ​ധ്യാ​പ​ക​നാ​യ പൊ​ന്നാ​മ​റ്റം സ​ക്ക​റി​യ​യു​ടെ മ​ക​ന്‍ ഷാ​ജു​വി​ന്‍റെ ഭാ​ര്യ സിലി, സിലിയുടെ മകള്‍ ആ​ന്‍​ഫൈ​ന്‍( 2), അന്നമ്മയുടെ സഹോദരന്‍ മാത്യു മഞ്ചാടിയില്‍ (68), എന്നിവരാണ് ദുരൂഹ സാഹചര്യത്തിൽ മരിച്ചത്. ഓരോരുത്തരുടേയും മരണസമയങ്ങളിലുണ്ടായ ഈ കാലദൈര്‍ഘ്യം മൂലം മരണങ്ങളില്‍ ദുരൂഹത ആരും കണ്ടിരുന്നില്ല.

2002 ല്‍ ആട്ടിന്‍ സൂപ്പ് കഴിച്ച ശേഷം കുഴഞ്ഞുവീണ് അന്നമ്മയാണ് ആദ്യം മരിച്ചത്. 2008 ല്‍ ടോം തോമസ് മരിച്ചു. 2011 ല്‍ ഭക്ഷണത്തിനു ശേഷം റോയി തോമസ് കുഴഞ്ഞു വീണു മരിക്കുകയായിരുന്നു. റോയിയുടെ മരണം ഹൃദയാഘാതം മൂലമാണെന്നായിരുന്നു കുടുംബം പറഞ്ഞത്. റോ​യി തോ​മ​സി​ന്‍റെ മ​ര​ണ​ത്തി​ല്‍ ദു​രൂ​ഹ​ത​യു​ണ്ടെ​ന്ന് അ​ന്നു ത​ന്നെ ചി​ല​ര്‍ സം​ശ​യം പ്ര​ക​ടി​പ്പി​ച്ചി​രു​ന്നു. പോ​സ്റ്റ്‌​മോ​ര്‍​ട്ടം റി​പ്പോ​ര്‍​ട്ടി​ല്‍ സയ​നൈ​ഡി​ന്‍റെ അം​ശ​മു​ണ്ടെ​ന്ന് സ്ഥി​രീ​ക​രി​ച്ചി​ട്ടും ബ​ന്ധു​ക്ക​ള്‍ മാ​ന​ഹാ​നി ഭ​യ​ന്ന് ഇ​ക്കാ​ര്യം പു​റ​ത്തു പ​റ​ഞ്ഞി​രു​ന്നി​ല്ല. 2014 ല്‍ അന്നമ്മയുടെ സഹോദരന്‍ മാത്യു മരിച്ചു. റോയി തോമസിന്‍റെ പിതൃു സഹോദര പുത്രന്‍ ഷാജുവിന്‍റെ മകള്‍ അല്‍ഫോന്‍സയും. ഷാജുവിന്‍റെ ഭാര്യ സിലി 2016 ലും മരിച്ചു.

ടോം തോമസിന്റെ സ്വത്തുക്കള്‍ വ്യാജ ഒസ്യത്തിന്റെ സഹായത്തോടെ നഷ്ടപ്പെട്ടതിനെ തുടര്‍ന്നാണ് മരണം സംബന്ധിച്ച സംശയങ്ങള്‍ ഉണ്ടായത്. സ്വത്തുക്കള്‍ റോയിയുടെ ഭാര്യയുടെയും അവര്‍ പുനര്‍ വിവാഹം ചെയ്ത മരണപ്പെട്ട സിലിയുടെ ഭര്‍ത്താവും റോ​യി തോ​മ​സി​ന്‍റെ പി​തൃ​സ​ഹോ​ദ​ര പു​ത്ര​നുമായ ഷാജുവിന്‍റേയും പേരില്‍ വ്യാജ ഒസിത്ത് ഉണ്ടാക്കി മാറ്റുകയായിരുന്നു. പു​ന:​ര്‍​വി​വാ​ഹി​ത​യാ​യി​ട്ടും ഇ​വ​ര്‍ ഭ​ര്‍​ത്താ​വി​നൊ​പ്പം താ​മ​സി​ക്കാ​തെ റോ​യി​യു​ടെ വീ​ട്ടി​ല്‍ ത​ന്നെ ക​ഴി​ഞ്ഞ​ത് സ്വ​ത്തു​ക്ക​ള്‍ ത​ട്ടി​യെ​ടു​ക്കാ​നാ​ണെ​ന്നാ​ണ് ക്രൈം​ബ്രാ​ഞ്ച് സം​ശ​യി​ക്കു​ന്ന​ത്. ര​ണ്ടാം വി​വാ​ഹ​ത്തി​നു​ശേ​ഷ​വും യു​വ​തി ടോം ​തോ​മ​സി​ന്‍റെ കോ​ടി​ക​ൾ വി​ല​മ​തി​ക്കു​ന്ന വീ​ട്ടി​ൽ ത​ന്നെ താ​മ​സി​ക്കു​ന്ന​തി​നെ ടോം തോമസിന്‍റെ ഇ​ള​യ​മ​ക​ൻ റോ​ജോ എ​തി​ർ​ത്തി​രു​ന്നു. അമേരിക്കയിലായിരുന്ന റോ​ജോ നാ​ട്ടി​ലെ​ത്തി​യ​പ്പോള്‍​ റോ​ജോ​യും യു​വ​തി​യു​ടെ ര​ണ്ടാം ഭ​ർ​ത്താ​വു​ഷാജുവുമാ​യി ഇ​തേ​ച്ചൊ​ല്ലി ക​ല​ഹം ന​ട​ന്ന​താ​യും ക്രൈം​ബ്രാ​ഞ്ചി​നു വി​വ​രം ല​ഭി​ച്ചി​ട്ടു​ണ്ട്.തുടര്‍ന്നാണ് റോജോ പരാതി നല്‍കിയത്.

മരണപ്പെട്ട റോയിയുടെ ഭാര്യയിലേക്കാണ് സംശയത്തിന്‍റെ മുനകള്‍ നീങ്ങുന്നതെന്നാണ് സൂചന. റോജോ പരാതി നല്‍കിയതിനു പിന്നാലെ പരാതി പി​ന്‍​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ട് യു​വ​തി നി​ര​ന്ത​രം റോ​ജോ​യു​ടെ എ​റ​ണാ​കു​ള​ത്തു​ള്ള സ​ഹോ​ദ​രി​യെ ബ​ന്ധ​പ്പെ​ട്ടി​രു​ന്ന​താ​യും ക്രൈം​ബ്രാ​ഞ്ച് ക​ണ്ടെ​ത്തി. നു​ണ​പ​രി​ശോ​ധ​ന ന​ട​ത്തു​ന്ന​തു​മാ​യി ബ​ന്ധ​പ്പെ​ട്ട് അ​ന്വേ​ഷ​ണ​സം​ഘം യു​വ​തി​യു​ടെ അ​നു​വാ​ദം ആ​വ​ശ്യ​പ്പെ​ട്ടെ​ങ്കി​ലും അ​ത് നി​ര​സി​ക്കു​ക​യാ​യി​രു​ന്നു. തു​ട​ര്‍​ന്നാ​ണ് മ​റ്റു ശാ​സ്ത്രീ​യ പ​രി​ശോ​ധ​ന​ ന​ട​പ​ടി​ക​ളിലേക്ക് നീങ്ങിയതെന്ന് ക്രൈം​ബ്രാ​ഞ്ച് വൃ​ത്ത​ങ്ങ​ള്‍ പ​റ​ഞ്ഞു. സിലിയുടെമരണത്തിനു പിന്നാലെ യുവതി സിലിയുടെ ഭര്‍ത്താവിനെ വിവാഹം കഴിച്ചതിലേക്കും അന്വേഷണം നീളകയാണ്. കേസുമായി ബന്ധപ്പെട്ട് ഇരുവരേയും ക്രൈം ബ്രാഞ്ച് ചോദ്യം ചെയ്തു. ഒരു പ്രാദേശിക നേതാവടക്കം അടുത്ത ബന്ധക്കളില്‍ പലരും പോലീസ് നിരീക്ഷണത്തിലാണ്.

കോ​ഴി​ക്കോ​ട് ക്രൈം​ബ്രാ​ഞ്ച് യൂ​ണി​റ്റ് ഡി​വൈ​എ​സ്പി ഹ​രി​ദാ​സി​ന്‍റെ നേ​തൃ​ത്വ​ത്തി​ലു​ള്ള പ​തി​ന​ഞ്ചം​ഗ ക്രൈം​ബ്രാ​ഞ്ച് സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്. സം​ഭ​വ​ത്തി​ന് പി​ന്നി​ല്‍ മ​രി​ച്ച​വ​രു​മാ​യി അ​ടു​ത്ത ബ​ന്ധ​മു​ള്ള യു​വ​തി​യാ​ണെ​ന്ന സം​ശ​യ​ത്തി​ലാ​ണ് ക്രൈം​ബ്രാ​ഞ്ച് . സാ​ഹ​ച​ര്യ​തെ​ളി​വു​ക​ളെ​ല്ലാം യു​വ​തി​ക്കെ​തി​രാ​ണ്. ശാ​സ്ത്രീ​യ തെ​ളി​വു​ക​ള്‍ ശേ​ഖ​രി​ക്കു​ന്ന​തി​നു വേണ്ടി കഴിഞ്ഞ 13 വര്‍ഷങ്ങള്‍ ക്കിടയില്‍ മരിച്ച ആറുപേരുടേയും ശവക്കലറകള്‍ തുറന്ന് മ​ണ്ണി​ല്‍ ദ്ര​വി​ക്കാ​തെ​യു​ള്ള പ​ല്ല്, എ​ല്ലി​ന്‍ ക​ഷ​ണ​ങ്ങ​ള്‍ തുടങ്ങിയ മൃതദേഹാവശിഷ്ടങ്ങള്‍ പുറത്തെടുത്ത് ഫോ​റ​ന്‍​സി​ക് പ​രി​ശോ​ധ​ന ന​ട​ത്തുത്തുകയാണ് ക്രൈംബ്രാഞ്ച്. കൂടാതെ യു​വ​തി​യു​ടെ ബ്രെ​യി​ന്‍ ​മാ​പ്പിം​ഗ് പ​രി​ശോ​ധ​ന ന​ട​ത്താ​നു​ള്ള ന​ട​പ​ടി​ക​ള്‍ ക്രൈം​ബ്രാ​ഞ്ച് സ്വീ​ക​രി​ച്ചു​വ​രി​ക​യാ​ണ്. സം​ശ​യ​ത്തി​ലു​ള്ള യു​വ​തി​യു​ടെ ബാ​ങ്ക് അ​ക്കൗ​ണ്ടു​ക​ളും ഫോ​ണ്‍​കോ​ളു​ക​ളും അ​ന്വേ​ഷ​ണ​സം​ഘം പ​രി​ശോ​ധി​ച്ചു​വ​രി​ക​യാ​ണ്. സം​ശ​യാ​സ്പ​ദ​മാ​യ പ​ല തെ​ളി​വു​ക​ളും ഇ​തി​ല്‍ നി​ന്നും ക്രൈം​ബ്രാ​ഞ്ച് ശേ​ഖ​രി​ച്ചി​ട്ടു​ണ്ട്. യു​വ​തി​  പല ബി​സി​ന​സു​കാ​രു​മാ​യും ഫോ​ണി​ല്‍ ബ​ന്ധ​പ്പെ​ട്ട​തി​ന്‍റെ വി​ശ​ദാം​ശ​ങ്ങ​ളും ക്രൈം​ബ്രാ​ഞ്ച് ശേ​ഖ​രി​ച്ച​താ​യി അ​റി​യു​ന്നു. ടോം ​തോ​മ​സി​ന്‍റെ മ​ക​ന്‍ റോ​യി തോ​മ​സി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട് ഏ​താ​നും ഗു​രു​ത​ര തെ​ളി​വു​ക​ള്‍ ക്രൈം​ബ്രാ​ഞ്ചി​നു ല​ഭി​ച്ച​താ​യും വി​വ​ര​മു​ണ്ട്.

  •  
  •  
  •  
  •  
  •  
  •  
  •