ബിഷപ്പ് ഫ്രാങ്കോ ഒരാഴ്ചക്കകം അന്വേഷണ ഉദ്യോഗസ്ഥരുടെ മുമ്പില്‍ ഹാജരാകണമെന്ന് നോട്ടീസ്.
പീഢന കേസില്‍ ചോദ്യം ചെയ്യുന്നതിനായി ഒരാഴ്ചക്കകം കേരളത്തില്‍ എത്തി അന്വേഷണ ഉദ്യോഗസ്ഥന്മാരുടെ മുമ്പാകെ ഹാജരാകണമെന്ന് ജലന്തര്‍ബിഷപ്പ് ഫ്രാങ്കോ മുളക്കലിന് നോട്ടീസ് അയക്കുവാന്‍ അന്വേഷണ ഉദ്യോഗസ്ഥര്‍ തീരുമാനിച്ചു. അന്വേഷണത്തിന് നേതൃത്വം നല്‍കുന്ന ഐജി കേരളത്തില്‍ എത്തിയതിനു ശേഷം മറ്റന്നാളായിരിക്കും ബിഷപ്പ് ഫ്രാങ്കോക്ക് നോട്ടീസ് അയക്കുക. കഴിഞ്ഞ ബിഷപ്പിനെ ചോദ്യം ചെയ്തതിനു ശേഷം മുമ്പ് മഠത്തില്‍നിന്നു പിരിഞ്ഞുപോയ കന്യാസത്രീകളെ ചോദ്യം ചെയ്യലില്‍ നിന്നു ലഭിച്ച പുതിയ വെളിപ്പെടുത്തലിന്റേയും കൂടെ അടിസ്ഥാനത്തിലായിരിക്കും ബിഷപ്പിനെ ചോദ്യം ചെയ്യുക. അവര്‍ ബിഷപ്പിനെതിരെ പുതിയ വെളിപ്പെടുത്തലുകളുമായി മൊഴി കൊടുത്തിരുന്നുവെന്നാണ് അറിയുന്നത്. ചോദ്യം ചെയ്യലിനു ശേഷം മാത്രമേ ബിഷപ്പിനെ അറസ്റ്റ് ചെയ്ണമോ വേണ്ടയോ എന്ന കാര്യത്തില്‍ തീരുമാനം എടുക്കുക എന്ന് അന്വേഷണ ഉദ്യോഗസ്ഥര്‍ പറയുന്നു.
മലയാളം
English
हिन्दी
ಕನ್ನಡ
தமிழ்