പ്രേംരാജ് കെ കെയുടെ നോവൽ കന്നഡയിലേക്കും തമിഴിലേക്കും

ഷെഹ്നായി മുഴങ്ങുമ്പോൾ എന്ന ഡോ. പ്രേംരാജ് കെ കെയുടെ നോവൽ കന്നഡയിലേക്കും തമിഴിലേക്കും മൊഴിമാറ്റം നടത്തി പ്രസിദ്ധീകരിക്കുന്നു. ഈ വരുന്ന ഡിസംബർ 21 ന് (ഉച്ചതിരിഞ്ഞ് 3 മണിക്ക് ) കുമാരകൃപ റോഡിലെ ഗാന്ധി ഭവനിൽ പ്രമുഖ കന്നഡ എഴുത്തുകാരൻ നാടോജ ഹംബ നാഗരാജയ്യ നിർവ്വഹിക്കും. ഇതിന്റെ കന്നഡ (ഷെഹ്നായി മൊളഗുവാഗ) മൊഴിമാറ്റം ചെയ്തിരിക്കുന്നത് ഷിമോഗയിലെ കെ പ്രഭാകരനും തമിഴിലേക്ക് (ഷെഹ്നായി ഒലിക്കും പോത് ) ചെയ്തരിക്കുന്നത് സിന്ധുഗാഥയുമാണ്. ഇവയും അഡോർ പബ്ലിഷിങ് ഹൗസ് തന്നെയാണ് പ്രസിദ്ധീകരിക്കുന്നത്. മുംബൈയിലെ ഒരു പാർസി കുടുംബത്തിന്റെ കഥപറയുന്ന ഈ നോവൽ വിവിധ മാനുഷീക വികാരങ്ങളെ കോർത്തിണക്കിവായനക്കാരെ വായനയുടെ അനിർവചനീയമായ ലോകത്തേക്ക് കൂട്ടികൊണ്ടുപോകുന്നതാണ്. ഹൃദയഹാരിയായ ഈ നോവൽ മലയാളവും ഇംഗ്ലീഷും വായിക്കുന്നവർക്ക് ഇഷ്ട്ടപ്പെട്ടുകഴിഞ്ഞു. അതുകൊണ്ടുതന്നെയാണ് ഇപ്പോൾ ഇത് തമിഴിലേക്കും കന്നഡയിലേക്കും പരിഭാഷപ്പെടുത്തി പ്രസിദ്ധീകരിക്കുന്നതെന്ന് പ്രേംരാജ് കെ കെ പറയുകയുണ്ടായി. ഈ നോവലിന് വായനയുടെ അതിർവരമ്പുകൾ ഭേദിക്കാൻ കഴിഞ്ഞു എന്നതാണ് ഈ നോവലിനെ വിജയം.