മഹാരാഷ്ട്ര നാളെ പോളിങ് ബൂത്തിലേക്ക്. വിജയം ഇരുമുന്നണികള്‍ക്കും നിര്‍ണായകം.

മഹാരാഷ്ട്രയിലെ വോട്ടെടുപ്പിന് മണിക്കൂറുകൾ മാത്രം ശേഷിക്കെ, ഭരണകക്ഷിയായ മഹായുതിയും (എൻഡിഎ) പ്രതിപക്ഷമായ മഹാ വികാസ് അഘാഡിയും (ഐഎൻഡിഐഎ) വിജയിക്കുമെന്ന ആത്മവിശ്വാസത്തിൽ ആണ്. 288 സീറ്റുകളുള്ള നിയമസഭയിൽ തങ്ങൾ മാന്ത്രിക സംഖ്യയായ 170 കടക്കുമെന്ന് ഓരോരുത്തരും അവകാശപ്പെടുന്നു. എന്നാൽ രാഷ്ട്രീയ വെടിക്കെട്ടുകൾക്കപ്പുറം നിർണായകമായ ഒരു ചോദ്യമുണ്ട്. നഗര കേന്ദ്രങ്ങൾ വോട്ടർമാര്‍ അവരുടെ അനാസ്ഥയുടെ ചരിത്രം ഉപേക്ഷിക്കുമോ, അതോ മഹാരാഷ്ട്രയിലെ വോട്ടര്‍മാര്‍ വ്യക്തമായ ഉത്തരം നല്‍കുമ

മഹാരാഷ്ട്രയുടെ രാഷ്ട്രീയ യുദ്ധഭൂമി ഏറെ സങ്കീർണ്ണമാണ്. 2014-ൽ കോൺഗ്രസിൻ്റെ കുത്തനെയുള്ള തകർച്ചയ്ക്ക് ശേഷം, ഒരു പാർട്ടിക്കും അവിടെ വ്യക്തമായ ഭൂരിപക്ഷം നേടാന്‍ കഴിഞ്ഞിട്ടില്ല. ഗുജറാത്ത് അല്ലെങ്കിൽ രാജസ്ഥാൻ പോലുള്ള സംസ്ഥാനങ്ങളിൽ നിന്ന് വ്യത്യസ്തമായി, ബിജെപിയും കോൺഗ്രസും തമ്മിലുള്ള നേരിട്ട മത്സരത്തിനു പകരം, മഹാരാഷ്ട്രയുടെ ഛിന്നഭിന്നമായ രാഷ്ട്രീയം മറ്റൊരു കഥയാണ് പറയുന്നത്. നഗരങ്ങളിലെ വോട്ടർമാരുടെ അനാസ്ഥയുടെ നിരന്തരമായ വെല്ലുവിളിയാണ് ഈ സങ്കീർണ്ണത രൂക്ഷമാക്കുന്നത്. മുംബൈ, നാഗ്പൂർ, പൂനെ തുടങ്ങിയ നഗരങ്ങൾ, പലപ്പോഴും ശരാശരിയേക്കാൾ കുറഞ്ഞ പോളിംഗ് രേഖപ്പെടുത്തുന്നു. തല്‍ഫലമായി ഫലങ്ങൾ നിർണയിക്കുക കുറച്ച് വോട്ടർമാര്‍ ആയിരിക്കും. മഹാരാഷ്ട്ര തെരഞ്ഞെടുപ്പിലേക്ക് നീങ്ങുമ്പോൾ, ഇക്കുറിയും ഈ ചോദ്യം അവശേഷിക്കുന്നു. മുംബൈയും പൂനെയും പോലുള്ള നഗര കേന്ദ്രങ്ങൾ ഇക്കുറിയും പഴയ പാറ്റേൺ ആവർത്തിക്കുമോ? ‘അർബൻ വോട്ടർ അനാസ്ഥ’ ഒരു നിരന്തരമായ വെല്ലുവിളിയായി തുടരുന്നു. 2019 ലെ നിയമസഭാ തിരഞ്ഞെടുപ്പിൽ 64 നഗര മണ്ഡലങ്ങളിൽ 62 എണ്ണത്തിലും സംസ്ഥാന ശരാശരിയേക്കാൾ താഴെയാണ് പോളിങ് രേഖപ്പെടുത്തിയത്. മുഖ്യ തിരഞ്ഞെടുപ്പ് കമ്മീഷണർ രാജീവ് കുമാർ ഫ്ലാഗ് ചെയ്ത ലോക്‌സഭാ തിരഞ്ഞെടുപ്പിലും സമാനമായ പ്രവണതയായിരുന്നു. 1995ൽ 71.6% വോട്ടർമാർ വോട്ട് രേഖപ്പെടുത്തിയപ്പോൾ, 1980-ൽ 53.3% പോളിങ് രേഖപ്പെടുത്തിയത്. സംസ്ഥാനത്തിൻ്റെ തലസ്ഥാന നഗരിയും ഇന്ത്യയുടെ സാമ്പത്തിക തലസ്ഥാനവുമായ മുംബൈയിൽ വോട്ടിംഗ് ശതമാനം കുറവായിരുന്നു. എന്നിരുന്നാലും, സമീപകാല വോട്ടെടുപ്പുകൾ നേരിയ തോതിൽ ഉയർന്ന പ്രവണത കാണിക്കുന്നു, നിയമസഭാ തെരഞ്ഞെടുപ്പിൽ നഗരത്തിന് 50% കടന്നു.

മഹാരാഷ്ട്ര നിയമസഭയിൽ 288 സീറ്റുകളിലേക്ക് 4,136 സ്ഥാനാർത്ഥികൾ മത്സരിക്കുന്നു, അതില്‍ പകുതിയോളം സ്വതന്ത്രർആണ്. 2,086 സ്വതന്ത്ര മത്സരാർത്ഥികൾ.

പ്രധാന പാർട്ടികളിൽ സിംഹഭാഗവും ബിജെപി 149 സീറ്റുകളിലും ശിവസേന (ഏകനാഥ് ഷിൻഡെ വിഭാഗം) 81 മണ്ഡലങ്ങളിലും അജിത് പവാറിൻ്റെ നേതൃത്വത്തിലുള്ള എൻസിപി 59 സീറ്റുകളിലും മത്സരിക്കുന്നു. പ്രതിപക്ഷത്ത് കോൺഗ്രസ് 101 സ്ഥാനാർത്ഥികളെ നിർത്തി. ശിവസേന (യുബിടി) 95 സീറ്റുകളിലും ശരദ് പവാറിൻ്റെ നേതൃത്വത്തിലുള്ള എൻസിപി 86 സീറ്റുകളിലും മത്സരിക്കുന്നു.

ചെറുപാർട്ടികളും തങ്ങളുടെ സാന്നിധ്യം അറിയിക്കുന്നു. ബഹുജൻ സമാജ് പാർട്ടി (ബിഎസ്പി) 237 സീറ്റുകളിലും ഓൾ ഇന്ത്യ മജ്‌ലിസ്-ഇ-ഇത്തേഹാദ്-ഉൽ-മുസ്ലിമീൻ (എഐഎംഐഎം) 17 മണ്ഡലങ്ങളിലുമാണ് മത്സരിക്കുന്നത്.

കോൺഗ്രസിനെ സംബന്ധിച്ചിടത്തോളം മഹാരാഷ്ട്ര നിയമസഭാ തിരഞ്ഞെടുപ്പ് ഒരു മേക്ക് അല്ലെങ്കിൽ ബ്രേക്ക് ആണ്. ആ തിരഞ്ഞെടുപ്പു ഫലം I.N.D.I.A യുടെ ഒരു ലിറ്റ്മസ് ടെസ്റ്റ് ആയിരിക്കും. രാഹുൽ ഗാന്ധിയ്‌ക്കൊപ്പം പ്രധാന സഖ്യകക്ഷികളായ ഉദ്ധവ് താക്കറെയും ശരദ് പവാറും നിർണായക പങ്ക് വഹിക്കുന്ന പ്രതിപക്ഷ ബ്ലോക്ക്. ഇവിടെ ശക്തമായ പ്രകടനം കാഴ്ചവെച്ചാൽ ബ്ലോക്കിൻ്റെ ഐക്യം ഉറപ്പിക്കും.

പ്രധാനമന്ത്രി മോദിയെ സംബന്ധിച്ചിടത്തോളം, ഈ തിരഞ്ഞെടുപ്പ് നിര്‍ണായകമാണ്. വർഷമാദ്യം നടന്ന ലോക്‌സഭാ തിരഞ്ഞെടുപ്പിലെ തിരിച്ചടിക്കു ശേഷം നടക്കുന്ന ഈ തിരഞ്ഞെടുപ്പിലെ വിജയം എൻഡിഎയുടെ നില ഭദ്രമാക്കും. അതിനാല്‍, നവംബർ 23 ന് പ്രഖ്യാപിക്കാനിരിക്കുന്ന ഫലങ്ങൾ മഹാരാഷ്ട്രയുടെ രാഷ്ട്രീയ ഫലങ്ങളിൽ മാത്രമല്ല ദേശീയതലത്തിലും നിര്‍ണായകമാവുകയാണ്.