ജോ ബൈഡൻ പിന്‍വാങ്ങുന്നു…!! ഇന്ത്യന്‍ വംശജ കമലാഹാരീസ് പിന്‍ഗാമി…??

യുഎസ് പ്രസിഡൻ്റ് തിരഞ്ഞെടുപ്പ് മത്സരത്തില്‍ നിന്ന് ജോ ബൈഡൻ പിന്‍വാങ്ങുന്നു. തൻ്റെ തിരഞ്ഞെടുപ്പ് പ്രചാരണം അവസാനിപ്പിക്കുകയും വൈസ് പ്രസിഡൻ്റ് കമലാ ഹാരിസിനെ തൻ്റെ പിൻഗാമിയായി അംഗീകരിക്കുകയും ചെയ്തു. തന്‍റെ രണ്ടാം ഊഴത്തിനായി ഡമോക്രാറ്റിക് പാര്‍ട്ടി പ്രസിഡന്‍റ് സ്ഥാനാര്‍ത്ഥിയായി മത്സരിക്കുകയായിരുന്നു അമേരിക്കന്‍ പസിഡന്റായ ജോ ബൈഡന്‍.

കഴിഞ്ഞ മാസം തന്‍റെ എതിരാളിയായ റിപ്പബ്ലിക്കന്‍ പാര്‍ട്ടി സ്ഥാനാര്‍ത്ഥിയും മുന്‍ അമേരിക്കന്‍ പ്രസിഡന്‍റുമായിരുന്ന ഡൊണാൾഡ് ട്രംപുമായി നടത്തിയ സംവാദത്തില്‍ ദയനീയ പ്രകടനം കാഴ്ചവെച്ചതിനെ തുടര്‍ന്ന് ജോ ബൈഡനെ 2024 ലെ യുഎസ് പ്രസിഡൻ്റ് തിരഞ്ഞെടുപ്പിൽ നിന്ന് ഒഴിവാക്കാനുള്ള ആഹ്വാനങ്ങൾ ഉയർന്നിരുന്നു. ബൈഡന്റെ ആരോ​ഗ്യത്തിൽ സംശയം പ്രകടിപ്പിച്ച് ഡെമോക്രാറ്റിക് പാർട്ടിക്കുള്ളിൽ നിന്ന് തന്നെ സംശയമുയർന്ന സാഹചര്യത്തിലാണ് ഞായറാഴ്ച അപ്രതീക്ഷിതമായിട്ടുള്ള അദ്ദേഹത്തിന്റെ പ്രഖ്യാപനം.

എക്‌സിൽ (മുമ്പ് ട്വിറ്റർ) ഒരു പോസ്റ്റിൽ, ബൈഡൻ ഞായറാഴ്ച പറഞ്ഞു, വീണ്ടും തിരഞ്ഞെടുപ്പിന് ശ്രമിക്കുന്നത് തൻ്റെ ഉദ്ദേശ്യമാണെങ്കിലും, പ്രസിഡൻ്റ് തിരഞ്ഞെടുപ്പിൽ നിന്ന് പിന്മാറുന്നത് രാജ്യത്തിൻ്റെയും ഡെമോക്രാറ്റിക് പാർട്ടിയുടെയും ഏറ്റവും മികച്ച താൽപ്പര്യമാണ്. കൂടുതൽ വിവരങ്ങൾ പങ്കുവെക്കുന്നതിനായി ഈ ആഴ്ച അവസാനം രാജ്യത്തെ അഭിസംബോധന ചെയ്യുമെന്നും അദ്ദേഹം പറഞ്ഞു. ഡെമോക്രാറ്റിക് പാർട്ടിയുടെ പ്രസിഡൻ്റ് സ്ഥാനാർത്ഥിയാകാൻ ഹാരിസിന് തൻ്റെ പൂർണ്ണ പിന്തുണയും അംഗീകാരവും ഉണ്ടെന്ന് എക്‌സിൻ്റെ ഫോളോ-അപ്പ് പോസ്റ്റിൽ ബിഡൻ പറഞ്ഞു.

തെരഞ്ഞെടുപ്പിന് 4 മാസം മാത്രം ബാക്കിനിൽക്കേയാണ് ബൈഡന്റെ പിന്മാറ്റം. പ്രസിഡന്റ് തിരഞ്ഞെടുപ്പ് മത്സരത്തിൽനിന്നു ബൈഡൻ പിന്മാറണമെന്നു പാർട്ടിക്കകത്തും പുറത്തും ചർച്ചയായിരുന്നു. ട്രംപിന് മുന്നിൽ ബൈഡന് പിടിച്ചുനിൽക്കാനാകില്ലെന്നും അഭിപ്രായമുയർന്നു. ബൈഡനു പകരം വൈസ് പ്രസിഡന്റ് ഇന്ത്യൻ വംശജയായ കമല ഹാരിസ് ഡെമോക്രാറ്റിക് പാർട്ടിയുടെ സ്ഥാനാർഥിയാകുമെന്നാണ് സൂചന.

പാർട്ടിയിലെ പ്രമുഖ നേതാക്കളായ മുൻ പ്രസിഡന്റ് ബറാക് ഒബാമ, മുൻ സ്പീക്കർ നാൻസി പെലോസി, സെനറ്റ് നേതാവ് ചക് ഷൂമർ തുടങ്ങിയവർ ബൈഡന്റെ സ്ഥാർഥിത്വത്തിൽ സംശയം പ്രകടിപ്പിച്ചിരുന്നു. ബൈഡന്റെ പിന്മാറ്റത്തോടെ ഷിക്കാഗോയിൽ അടുത്ത മാസം 19ന് ആരംഭിക്കുന്ന ഡെമോക്രാറ്റ് നാഷനൽ കൺവൻഷനിൽ പുതിയ സ്ഥാനാർഥിയെ തെരഞ്ഞെടുക്കും.