കേരള സർവകലാശാല സെനറ്റിൽ നിന്ന് 15 അംഗങ്ങളെ പുറത്താക്കി ഗവര്‍ണര്‍ ഉത്തരവിറക്കി.

അഭൂതപൂർവമായ നീക്കത്തിലൂടെ കേരള ഗവർണർ ആരിഫ് മുഹമ്മദ് ഖാൻ ബുധനാഴ്ച കേരള സർവകലാശാല സെനറ്റിൽ നിന്ന് 15 അംഗങ്ങളെ പുറത്താക്കി ഉത്തരവിറക്കി. സെനറ്റിലെ അംഗത്വം ചാൻസലർ പിൻവലിച്ച 15 അംഗങ്ങളെ പുറത്താക്കി വിജ്ഞാപനം പുറപ്പെടുവിക്കാൻ സർവകലാശാല വിസമ്മതിച്ചതിനെ തുടർന്നാണ് നടപടി. കേരള ഗവർണർ ആരിഫ് മുഹമ്മദ് ഖാൻ സർവ്വകലാശാലയുടെ ചാൻസലർ എന്ന നിലയിൽ ശനിയാഴ്ച കേരള സർവ്വകലാശാലയുടെ സെനറ്റിൽ നിന്ന് 15 അംഗങ്ങളെ നീക്കം ചെയ്തു. ചാൻസലറുടെ നോമിനികളായ 15 അംഗങ്ങൾക്ക് സെനറ്റ് അംഗങ്ങളായി തുടരാൻ അർഹതയില്ലെന്ന് പ്രഖ്യാപിച്ച് ഗവർണർ കേരള സർവകലാശാല വൈസ് ചാൻസലർക്ക് കത്ത് നൽകി. 15 പേരിൽ അഞ്ച് പേർ സിൻഡിക്കേറ്റ് അംഗങ്ങളാണ്.

ഗവര്‍ണര്‍ സെനറ്റിലേക്ക് നാമനിർദ്ദേശം ചെയ്യുന്ന പ്രതിനിധികളെ അവരുടെ പ്രവർത്തനം തൃപ്തികരമല്ലെങ്കിൽ പിൻവലിക്കാൻ ചാൻസലർക്ക് അധികാരമുണ്ട്. അംഗത്വം പിൻവലിച്ച ഈ സെനറ്റ് അംഗങ്ങളെല്ലാം ചാൻസലറുടെ നോമിനികളാണ്. യൂണിവേഴ്സിറ്റി വൈസ് ചാൻസലറെ തിരഞ്ഞെടുക്കുന്നതിനുള്ള സെർച്ച് കമ്മിറ്റിയിലേക്ക് ഒരു പ്രതിനിധിയെ നാമനിർദ്ദേശം ചെയ്യുന്നതിനായി വെള്ളിയാഴ്ച നടന്ന സെനറ്റ് യോഗത്തിൽ നിന്ന് അവർ വിട്ടുനിന്നു. അവർ വിട്ടുനിന്നതിനെ തുടർന്ന് സെനറ്റ് യോഗം ക്വാറം തികയാതെ പിരിഞ്ഞു. ഇതിന് പിന്നാലെയാണ് അസാധാരണ നീക്കവുമായി ഗവർണർ രംഗത്തെത്തിയത്.

ചാൻസലർ നാമനിർദ്ദേശം ചെയ്തതും അദ്ദേഹം അംഗത്വം പിൻവലിച്ചതുമായ 15 സെനറ്റ് അംഗങ്ങളെ പിരിച്ചുവിടാൻ ഉത്തരവിടാൻ ഗവർണർ ഖാൻ സർവകലാശാലയുടെ ചാൻസലർ എന്ന നിലയിൽ സർവകലാശാല വൈസ് ചാൻസലർക്ക് ബുധനാഴ്ച അന്ത്യശാസനം നൽകിയിരുന്നു. എന്നാൽ, ഗവർണറുടെ അന്ത്യശാസനം വൈസ് ചാൻസലർ മഹാദേവൻ പിള്ള തള്ളി. സെനറ്റ് അംഗങ്ങളെ നീക്കിയ നടപടിയിൽ നിയമവിരുദ്ധതയുണ്ടെന്ന് സർവകലാശാല വൈസ് ചാൻസലർ പി.വി.മഹാദേവൻ പിള്ളയുടെ വാദം. സെനറ്റ് അംഗങ്ങളെ പുറത്താക്കിയ തീരുമാനം പുനഃപരിശോധിക്കണമെന്ന് ചാൻസലറോട് ആവശ്യപ്പെട്ടു ഗവർണര്‍ക്ക് കത്തുമെഴുതി.

പിന്നീട് അടുത്ത ആഴ്ച കൂടന്ന സെനറ്റ് യോഗത്തിലേക്ക് പുറത്താക്കപ്പെട്ട പ്രതിനിധികളെ ക്ഷണിച്ചു കൊണ്ട് കത്തും നല്‍കി. അഗങ്ങളെ പുറത്താക്കിയ പുറത്താക്കിയ ഗവര്‍ണ്ണറുടെ ഉത്തരവ് നടപ്പിലായില്ല എന്നാണ് വൈസ് ചാന്‍സലര്‍ മഹാദേവന്‍റെ ന്യായീകരണം. ഇതിനെത്തുടർന്നാണ്, അസാധാരണമായ ഒരു നീക്കത്തിൽ രാജ്ഭവൻ തന്നെ 15 അംഗങ്ങളെ സെനറ്റിൽ നിന്ന് പുറത്താക്കി ഉത്തരവിറക്കുകയും ഗസറ്റ് വിജ്ഞാപനവും പുറപ്പെടുവിക്കുകയും ചെയ്തത്. ഉത്തരവിന്റെ പകർപ്പ് വൈസ് ചാൻസലർക്കും സെനറ്റ് അംഗങ്ങൾക്കും അയച്ചിട്ടുണ്ട്.

സെനറ്റ് മീറ്റിംഗ് നടത്താനും സെനറ്റിന്റെ നോമിനിയെ വൈസ് ചാൻസലറെ തിരഞ്ഞെടുക്കാനുള്ള സെർച്ച് കമ്മിറ്റിക്ക് നൽകാനുമുള്ള ആവർത്തിച്ചുള്ള നിർദ്ദേശങ്ങൾ ശ്രദ്ധിക്കപ്പെടാതെ പോയതിനെ തുടർന്നാണ് ഗവർണർ ഈ അസാധാരണ നടപടി സ്വീകരിച്ചതെന്ന് രാജ്ഭവൻ വൃത്തങ്ങൾ അറിയിച്ചു. നിലവിലെ കേരള സർവകലാശാല വൈസ് ചാൻസലറുടെ കാലാവധി ഒക്ടോബർ 24ന് അവസാനിക്കും.