ഡ്രൈവര്‍ക്കു മാത്രമല്ല പാസഞ്ചര്‍ ഭാഗത്തും എയര്‍ബാഗ് നിര്‍ബന്ധമാക്കി കേന്ദ്ര സര്‍ക്കാര്‍. കേന്ദ്ര ഗതാഗത മന്ത്രാലയം പുറത്തിറക്കിയ ഗസറ്റിലാണ് പുതിയ തീരുമാനം. ഏപ്രിൽ ഒന്ന് മുതൽ ഈ നിയമം ബാധകമാകും. പഴയ വാഹനങ്ങളിൽ ഡുവൽ എയർബാഗ് ഘടിപ്പിക്കാൻ ഓഗസ്റ്റ് 31 വരെ മന്ത്രാലയം സമയം അനുവദിച്ചിട്ടുണ്ട്. ഇതുവരെ ഡ്രൈവിംഗ് സീറ്റിൽ മാത്രമാണ് എയർബാഗ് നിർബന്ധമായിരുന്നത്. ഇതോടെ കാർ വില വീണ്ടും ഉയരുമെന്നാണ് കണക്കുകൂട്ടൽ. കാറിന്‍റെ വില 5000 മുതൽ 7000 രൂപ വരെ വർധിക്കുവാനാണ് സാധ്യത.

ഇന്ത്യന്‍ വാഹന നിര്‍മാതാക്കളായ മാരുതി സുസുക്കിയുടെ 2017ല്‍ സ്വിഫ്റ്റിന്റെ പുതിയ സ്‌പോര്‍ട്‌സ് എഡിഷനുമായി എത്തുന്നു. വരവറിയിച്ച് നേരത്തെ തന്നെ ചിത്രങ്ങള്‍ പുറത്തുവിട്ടിരുന്നെങ്കിലും ഇപ്പോഴിതാ എന്‍ജിന്‍ പ്രത്യേകതകളും മൈലേജും അടക്കമുള്ള വിവരങ്ങളാണ് കമ്പനി വെളിപ്പെടുത്തിയിരിക്കുന്നത്.  2017 സെപ്തംബറില്‍ നടക്കുന്ന ഫ്രാങ്ക്ഫര്‍ട്ട് മോട്ടോര്‍ ഷോയിലാണ് സ്വിഫ്റ്റ് സ്‌പോര്‍ട്ടിനെ പരിചയപ്പെടുത്തുക. മൂന്നാം തലമുറ സ്വിഫ്റ്റ് ഹാച്ച്ബാക്കിനെ കടും മഞ്ഞ നിറത്തില്‍ പുതുതായി അണിയിച്ചൊരുക്കിയാണ് സ്വിഫ്റ്റ് സ്‌പോര്‍ട്ടിന്റെ വരവ്. അടിസ്ഥാന മോഡലില്‍ നിന്ന് വ്യത്യസ്തമായി മുന്നിലേയും പിന്നിലെയും ബംമ്പര്‍, ഗ്രില്‍ എന്നിവയുടെ ഡിസൈനില്‍ മാറ്റമുണ്ട്. […]