രാഷ്​ട്ര പിതാവിന്‍റെ വധത്തെ പുനരാവിഷ്​കരിച്ച്​ ഹിന്ദുമഹാസഭ

മഹാത്​മ ഗാന്ധിയുടെ 71ാം ചരമ വാർഷിക ദിനമായ ജനുവരി 30ന് രാഷ്​ട്ര പിതാവിന്‍റെ വധത്തെ പുനരാവിഷ്​കരിച്ച്​ ഹിന്ദുമഹാസഭ. യു.പിയിലെ അലിഗഢിലാണ്​ രാജ്യത്തെ നടുക്കിയ സംഭവമുണ്ടായത്​. ഹിന്ദുമഹാസഭ നേതാവ്​ പൂജ ശകുൻ പാണ്ഡെ ഗാന്ധിയുടെ പ്രതിമയുണ്ടാക്കി​ ​ കളി​ത്തോക്ക്​ ഉപയോഗിച്ച് നിറയൊഴിക്കുകയായിരുന്നു. പ്രതീകാത്മകമായി ഗാന്ധിയുടെ കാൽക്കീഴിൽ രക്തം തളം കെട്ടി നിൽക്കുന്നതും രൂപത്തോടൊപ്പം ഉണ്ടാക്കിയിട്ടുണ്ട്. പിന്നീട് മഹാത്മ നാഥൂറാം ഗോഡ്സെ എന്ന വിളികളുമായി മഹാത്മ ഗാന്ധി രൂപത്തെ അഗ്നിക്കിരയാക്കി. പിന്നീട് മധുരപലഹാര വിചരണവും ഉണ്ടായിരുന്നു. ഗാന്ധിജിയെ ഗോഡ്​സെ വധിച്ച ജനുവരി 30 ശൗര്യ ദിവസ്​ ആയാണ്​ ഹിന്ദുമഹാസഭ ആചരിക്കുന്നത്. ഗാന്ധിജിയുടെ ഘാതകനായ നാഥൂറാം ഗോഡ്സെയുടെ പ്രതിമ അലങ്കരിച്ച് പൂജകളും നടത്തിയാണ് ഹിന്ദു മഹാസഭ പിരിഞ്ഞു പോയത്. മുന്പും രാഷ്ട്ര പിതാവായ മഹാത്മഗാനധിജിയെ അപമാനിക്കുന്ന നടപടികള്‍ ഹിന്ദു മഹാ സഭയുടെ ഭാഗത്തു നന്ന് ഉണ്ടായിട്ടുണ്ട്.